Б.ЗАЯА

Цахим газар өмчлөлийн талаар Нийслэлийн өмчийн харилцааны газрын олон нийттэй харилцах хэлтсийн мэргэжилтэн Л.Баянбатаас тодрууллаа.

-Өнгөрсөн онд таван байршилд газар өмчилсөн. Бүх иргэн захирамжаа авчихсан уу?

-Өнгөрсөн оны наймдугаар сарын 1-нээс эхлүүлсэн цахим системээр иргэдэд газар өмчлөх ажил бүрэн дууссан. Нийтдээ таван дүүргийн таван байршилд 15954 иргэнд газар өмчлүүлэх боломжтой байсан. Нийт 13452 иргэнд албан ёсоор захирамж гарч өмчлөлийн гэрчилгээгээ аваад байгаа. 1468 иргэн сонгогдсон мөртлөө заасан хугацаанд өргөдлөө өгөөгүй учир эрхийг нь хүчингүй болгоод дараагийн ээлжийн байршилд оруулсан.

-Дараагийн байршилд хаана, хэчнээн хүнд газар олгох вэ?

-Баянзүрх дүүрэгт хоёр, Сонгинохайрхан, Багануур, Багахангай дүүрэгт нэг нэг байршилд шалгаруулалт явуулна. Хүн амын тоо, газрын байршлын талаар одоохондоо зарлахад эрт байна. Хотын удирдлагуудын шийдвэр гарахад цахимаар сонгон шалгаруулалт явуулах ажил бэлэн болсон.

-Өргөдлөө өгөөгүй 1000 гаруй иргэний эрхийг хүчингүй болгосон гэлээ. Тэд дараагийн ээлжинд шалгаруулалтад орж болох уу?

-Болно.