Т.ДАЛАЙ

Бид “Номин холдинг” группыг  Монголын толгой баян компаниудын нэгд тооцдог. Гэтэл хамгийн их өртэй компанийн нэг болж таарлаа. Саяхан УИД-ийн хувьцаа эзэмшигчдийн хурал болж, “Номин”-гийн боссууд Их дэлгүүрийн өрийн асуудлыг ярьжээ.  Тэд өөрсдийгөө 11 миллиард төгрөгийн өртэй гэдгээ зарласан байна. Мөн УИД-ийг барьцаалан Европын Сэргээн босголт, Хөгжлийн банкнаас 12.4 сая ам.долларын зээл авахаар төлөвлөсөн тухайгаа дуулгажээ.

   УИД-ийн 66.4 хувийн хувьцааг А.Шагдарсүрэн Р.Содном, Ш.Уламбаяр, Ш.Баяр­сайхан, Ш.Энхбаяр  гэсэн таван хүн эзэмшдэг байна.  Энэ нь нэгэн гэр бүлийн гишүүд.  Харин үлдсэн хэсгийг нь  жижиг хувьцаа эзэмшигч нар эзэмшдэг  юм байна.  Шинэ оны өмнөхөн болсон хувьцаа эзэмшигчдийн хурал нэлээд ширүүн болсон бололтой. УИД-ийг барьцаалан зээл авахыг жижиг хувьцаа эзэмшигчид эсэргүүцсэн байна. Тэд санал хураах цаасыг урж, зээл авахыг зөвшөөрөхгүй хэмээн саналаа өгөөгүй гэнэ.  Гэсэн ч  66.4 хувийг нь эзэмшдэг дээрх таван хүн “Хувьцаа эзэмшигчдийг 90 хувь нь зөвшөөрсөн” гээд хүчээр шийдэн зээл авах шийдвэр гаргасан байна.   Тэгэхээр Улаанбаатарын нүүр царай болдог УИД маань удахгүй Европын Сэргээн босголт, Хөгжлийн банкны барьцаанд очих нь дээ.

Эх сурвалж www.polit.mn