Б.ТӨГС

Ус, цаг уурын хүрээлэнгээс малчид, ард иргэдийн анхааралд сэрэмжлүүлэг гаргалаа. Өнөө шөнө ихэнх нутгаар, маргааш нутгийн зүүн хэсгээр цас орж, цасан шуурга шуурч, хүйтний эрч чангарахыг анхаарууллаа. Баруун аймгуудын нутгаар өнөө, маргаашдаа цас орж, цасан шуурга шуурна. Хүйтэрч Увс, Завхан, Баянхонгорын хойд хэсгээр шөнөдөө 31-36 градус, өдөртөө 20-25 градус, Говь-Алтай, Баянхонгорын өмнөд хэсгээр шөнөдөө 10-15 градус, өдөртөө 1-6 градус, бусад нутгаар шөнөдөө 18-23 градус, өдөртөө 9-14 градус хүйтэн байна.Төвийн аймгуудын ихэнх нутгаар цас орж, цасан шуурга шуурна. Дархадын хотгороор шөнөдөө 30-35 градус, өдөртөө 25-30 градус, Сэлэнгэ, Хараа, Ерөө, Туул, Тэрэлж, Эгь-Үүрийн голын сав газраар шөнөдөө 19-24 градус, өдөртөө 16-21 градус, бусад нутгаар шөнөдөө 10-15 градус, өдөртөө 6-11 градус хүйтэн байна. Зүүн аймгуудын нутгаар зарим газарт бага зэргийн цас орно. Говийн аймгуудын нутгаар цас орохгүй. Улаанбаатар хотод маргааш өдөртөө бага зэргийн цас орно. Өнөө шөнөдөө хотын төв орчмоор 14-16 градус, бусад хэсгээр 22-24 градус, өдөртөө 9-11 градус хүйтэн байна.