БНХАУ-ын Сычуань их сургуулийн Хуаши амны хөндийн эмнэлэг нь Хятадын орчин үеийн амны хөндийн анагаах ухааны үүсэл хөгжилтэй салшгүй холбоотой, тус салбарын тэргүүлэх төвүүдийн нэг бөгөөд "Хятадын амны хөндийн анагаах ухааны өлгий" хэмээн нэрлэгддэг байна. Тус байгууллага амны хөндийн анагаах ухааны чиглэлээр дэлхийн хэмжээний судалгаа, сургалт, эмнэлзүйн үйл ажиллагааг хөгжүүлж, олон улсын их, дээд сургууль болон шинжлэх ухааны салбарын үнэлгээ, зэрэглэлүүдэд өндөр байр суурь эзэлж байна. Хуаши амны хөндийн эмнэлэг нь Хятадын тэргүүлэх эрүүл мэнд, шинжлэх ухааны нөөцөд түшиглэн амны хөндийн дижитал анагаах ухааны судалгаа, хөгжүүлэлт, үйлдвэрлэл, сургалт болон эмнэлзүйн хэрэглээг нэгтгэсэн цогц платформ байгуулжээ. Энэхүү платформын хүрээнд технологийн судалгаа, хөгжүүлэлтээс эхлээд үйлдвэрлэл, мэргэжилтэн бэлтгэх, шинэ технологийг эмнэлзүйн практикт нэвтрүүлэх хүртэлх иж бүрэн тогтолцоог хөгжүүлж байгаа аж. Түүнчлэн олон улсын стандарт боловсруулах ажилд оролцож, амны хөндийн дижитал анагаах ухааны хөгжлийн чиг хандлагад хувь нэмрээ оруулж байна. Энэ хүрээнд дэлхийн амны хөндийн дижитал анагаах ухааны салбарт өөрийн гэсэн "Хуаши шийдэл"-ийг санал болгож, технологи, судалгаа, эмнэлзүйн практикийг уялдуулсан хөгжлийн загварыг бүрдүүлжээ. Ийнхүү Сычуань их сургуулийн Хуаши амны хөндийн эмнэлэг нь зөвхөн Хятадад төдийгүй дэлхийн амны хөндийн анагаах ухаан, тэр дундаа дижитал технологид суурилсан оношилгоо, эмчилгээний хөгжлийн чухал төвүүдийн нэг болж байна.

Эх сурвалж:www.polit.mn