Н. Буянжаргал

Тээврийн цагдаагийн албаны мэдээлснээр Улсын хэмжээнд 2026 оны эхний улиралд 32 мянган зам тээврийн осол бүртгэгдэж, ослын улмаас 78 хүн амь насаа алдан, 146 хүн хүнд болон хөнгөн гэмтэж бэртжээ. Мөн бүртгэгдсэн ослын 2403 нь орон нутгийн замд гарсан байна. Ослын улмаас хүүхэд өртөж буй тохиолдол нэмэгдэж байгаа нь хамгийн их анхаарал татаж буй асуудлын нэг юм. Энэ оны эхний таван сарын байдлаар нийт 341 хүүхэд зам тээврийн ослын хохирогч болж, тэдгээрээс 18 хүүхэд амь насаа алдсан байна.Мэргэжлийн байгууллагуудын мэдээлж буйгаар ослын гол шалтгаан нь согтуугаар тээврийн хэрэгсэл жолоодох, хурд хэтрүүлэх, мөн ядарсан үедээ жолоо барин урсгал сөрөх зэрэг хүний буруутай үйлдлүүд байгаа юм. Үүнээс гадна хоёр дугуйт тээврийн хэрэгслийн хэрэглээ нэмэгдэхийн хэрээр тэдгээрийн оролцоотой осол сүүлийн жилүүдэд зургаа дахин өссөн бөгөөд энэ оны дөрөвдүгээр сарын 10-аас хойш 330 гаруй осол нэмж бүртгэгдсэн байна.Тээврийн цагдаагийн албанаас жолооч, иргэдийг замын хөдөлгөөний дүрмийг чанд сахиж, өөрийн болон бусдын аюулгүй байдлыг хангахыг уриалж байна. Тухайлбал, Замын хөдөлгөөний дүрмийн 10.1-д заасны дагуу жолооч хөдөлгөөн эхлүүлэхийн өмнө зам болон орчны нөхцөл байдлыг сайтар нягтлан шалгах үүрэгтэйг онцоллоо.

Эх сурвалж:www.polit.mn