Т.САЙХАН

УИХ-ын чуулганы өнөөдрийн нэгдсэн хуралдаанаар УИХ-ын гишүүн О.Амгаланбаатар нарын санаачилсан Үндэсний их баяр наадмын тухай хуульд нэмэлт өөрчлөлт оруулах тухай хуулийн төсөл /хэлэлцэх эсэх/-ийг хэлэлцэх байсан ч УИХ дахь Ардчилсан намын бүлгээс хойшлуулах санал гаргасан юм. Энэхүү горимын саналыг УИХ-ын чуулганы нэгдсэн хуралдаанд оролцсон гишүүдийн олонхи дэмжлээ. Уг хуулийн төсөлд "Улсын баяр наадмаар ганцаарчилсан төрөлт эрийн гурван наадам зохион байгуулна. Эрийн гурван наадам үндэсний бөх барилдах, их насны морь унаж уралдах, сур харваанаас бүрдэнэ" гэх зохицуулалт тусгасан нь олон нийтийн шүүмжлэлтэй тулаад буй. Хуулийн төслийг санаачилсан, УИХ-ын гишүүн О.Амгаланбаатар “Эрийн гурван наадам гэдэг нь нэг эрийн гурвууланг нь хийдэг байсан наадмыг хэлдэг байсан юм билээ, бүх түүхээрээ нотлогдож байгаа зүйл. Түүнийг сэргээнэ” гэдэг хариулт өгөөд буй.УИХ-ын Төрийн байгуулалтын байнгын хорооны хуралдаанаар дээрх хуулийн төслийг хэлэлцэхэд олонхи нь дэмжих боломжгүй гэж үзсэн юм. 

Мөн энэхүү хуулийн төсөлд:

5.15.Улсын аварга шалгаруулах тэмээний уралдааныг өвөл зохион байгуулж, тэмээний амжилтыг харгалзан Улсын алдарт уяач цол олгоно. Уг уралдааны зохион байгуулалт болон цол олгох журмыг Засгийн газар батална."

“8.9.Энэ хуулийн 9.10 дугаар зүйлд заасан наадамд түрүүлсэн бөхийн цолыг тухайн баяр наадмыг зохион байгуулах хорооны саналыг үндэслэн тухайн улсад суугаа Элчин сайд олгоно.

8.10.2021 оны 08 дугаар сарын 17-ны өдөр зохион байгуулсан үндэсний баяр наадмын бөхийн барилдааны цолыг нөхөж олгох.”

3/9 дүгээр зүйлийн 9.10 дахь хэсэг:

“9.10.Гадаадад амьдарч байгаа монголчуудын дунд жил бүр зохион байгуулдаг үндэсний их баяр наадамд 64 бөх барилдсан бол сумын наадамтай адилтган үзүүрлэсэн бөхөд сумын начин, түрүүлсэн бөхөд сумын заан цол олгоно.

2 дугаар зүйл. Үндэсний их баяр наадмын тухай хуулийн тавдугаар зүйлийн 5.2 дахь хэсгийн”… “тэмдэглэнэ.” гэсний дараа “Уг баярыг тэмдэглэн өнгөрүүлэхтэй холбоотой жил бүрийн 07 дугаар сарын 10-ны өдрөөс 07 дугаар сарын 19-ний өдрийг дуустал бүх нийтээр амарна.” гэж нэмсүгэй зэрэг зохицуулалт туссан байгаа юм.

Эх сурвалж:www.polit.mn