Монголын Хүүхдийн Ордонд “Хүүхдийн баярын багц хөтөлбөр” зохион байгуулагдана Хүүхэд багачуудын хөгжил, танин мэдэхүй, бүтээлч сэтгэлгээг дэмжсэн 12 өртөө бүхий “Хүүхдийн баярын багц хөтөлбөр” энэ сарын 31 болон ирэх зургадугаар сарын 1-нд Монголын Хүүхдийн Ордонд зохион байгуулагдах гэж байна.

Тус хөтөлбөр нь хүүхдүүдэд баярын өдрийг зөвхөн зугаатай өнгөрүүлэхээс гадна шинэ зүйл сурч мэдэх, авьяас чадвараа хөгжүүлэх боломжийг бүрдүүлснээрээ онцлогтой. Хөтөлбөрийн хүрээнд үлгэрийн баатруудын угталт, “Мэлхий гүнж” хүүхдийн жүжиг, бүтээлч болон танин мэдэхүйн өртөөнүүд, VR аялал, шинжлэх ухааны сонирхолтой туршилтууд зэрэг олон төрлийн үйл ажиллагаа зохион байгуулагдана.

Мөн хүүхэд багачуудын сонирхлыг татах нүүр будалт, гэрэл зургийн булан, хийлдэг тоглоом, амтат зайрмаг зэрэг баярын нэмэлт үйлчилгээнүүд багтжээ. “Хүүхдийн баярын багц хөтөлбөр” нийт 3-4 цаг үргэлжлэх бөгөөд байгууллага, хамт олны тусгай захиалгыг мөн авч буй талаар зохион байгуулагчид мэдээллээ.

Хөтөлбөрийн цагийн хуваарь:

• 2026.05.31 — 11:00 | 15:00

• 2026.06.01 — 11:00 | 15:00

Тасалбар: 55,000 төгрөг

Худалдаалах цэг: Boxoffice.mn болон Монголын Хүүхдийн Ордны I давхар

Лавлах утас: 11-333-666, 8908-9999

И-мэйл: sales@mcp.mn