Т.САЙХАН

АН-ын дарга О.Цогтгэрэл өнөөдөр /05.21/  цаг үеийн асуудлаар сэтгүүлчдийн асуултад хариулт өглөө.  Тэрээр "Би хэсэг хугацаанд чөлөөтэй байж байгаад өнөөдөр ажилдаа ирж байна. Засагт хамтрах асуудал албан ёсоор яригдсан зүйл одоогоор байхгүй. Ардчилсан нам Засгийн газарт хамтрах асуудлаар би өмнө нь олон удаа байр сууриа илэрхийлсэн. Ардчилсан нам хамтарсан Засгийн газарт ажиллах ёсгүй, буруу гэж үздэг. Энэ байр суурин дээрээ одоо ч хэвээр байна. Яагаад гэвэл УИХ-ын 2024 оны сонгуулийн үр дүн тодорхой гарсан. Парламент олонх, цөөнхтэй болсон. Олонх нь олонхийнхоо ажлыг хийх ёстой, цөөнх нь цөөнхийнхөө үүргийг биелүүлэх ёстой. Энэ зарчмыг алдагдуулж болохгүй. Яагаад гэвэл зөвхөн хууль, эрх зүйн талаасаа биш, улс төрийн байр суурийн хувьд ч буруу. Ардчилсан нам өнгөрсөн 10 жилийг “авлигад идэгдсэн 10 жил” гэж удаа дараа шүүмжилж ирсэн. Бид энэ асуудалд шүүмжлэлтэй ханддаг. Тэгэхээр хамтарч авлигад идэгдсэн 10 жилийг хамтдаа хаацайлах гэсэн үг биш. Ийм зүйл байх ёсгүй. Ардчилсан нам бол сөрөг хүчнийхээ байр суурийг баримталж, цөөнхийн сонголтоо хийх ёстой гэсэн байр суурьтай байна" гэлээ. 

Эх сурвалж:www.polit.mn