Т.САЙХАН
Ерөнхий сайд Н.Учрал ногоон чөлөөлөлтийн хүрээнд Монголбанк, арилжааны банк, хувийн хэвшилтэй уулзаж байна. Засгийн газар, Монголбанк хамтран хэрэгжүүлж ирсэн ипотекийн зээлээр 13 жилийн хугацаанд 144.6 мянган өрх орон сууцтай болжээ. Арилжааны банкууд өөрийн эх үүсвэрээр олгож буй зээл өсөж, нийт орон сууцны зээлийн 62 хувийг бүрдүүлж байна. Гэвч орон сууцны зээлийн хэрэгцээ нь нийлүүлэлтээсээ давж, 47.4 мянга хүсэлт, шинэ байранд орох хүлээлт хэрэгцээ үүссэн. Иймд орон сууцны зээлийг илүү хүртээмжтэй болгох, урьдчилгаа төлбөрийн босгыг нь намсгах асуудлыг үе шаттай шийдвэрлэнэ гэдгээ Ерөнхий сайд Н.Учрал мэдэгдлээ. Тэрээр "Илүү олон яндан буулгах, олон айл өрхийг шинэ байранд оруулах, ажилгүйдэл ядуурал, гэр бүл салалт зэрэг олон асуудлыг шийдэх түлхүүр бол ипотек. Ипотекийн зургаан хувь бол нэг бүтээгдэхүүн. Илүү төрөлжүүлж "Shared Mortgage" нэвтрүүлнэ. Орон сууцжуулалтын банк байгуулна" гэв.
Эх сурвалж:www.polit.mn
