Т.САЙХАН

НИТХ-ын даргаар ажиллаж байсан А.Баяр цаг  үеийн асуудлаар мэдээлэл өглөө. Тэрээр "Х.Нямбаатар ард түмнийхээ эсрэг жагсаж болдог юм байгаа биз. НИТХ бол ард түмнийхээ эсрэг дуу хоолойгоо өргөж болохгүй. Мега төслүүдтэй холбоотой бүх эргэлзээг нэг талд нь гаргасны дараа төслийг үргэлжлүүлэх үгүйгээ шийдэх хэрэгтэй. НИТХ-ын залуучууд Монголын ирээдүйн төлөө явж байгаа. Монгол Улс эв нэгдэл дээр л оршин тогтноно. Би энэ зарчмын хүрээнд НИТХ-ыг авч явж байгаа. Харин Х.Нямбаатар бол далан худалч. Шууд шулуухан хэлэхэд бүгдийг үнэн мэтээр ярьж бусдад ойлгуулдаг. Манай Ихбаяр гээд төлөөлөгч байна. Саяны хэд хоног гэр бүлээр нь харлууллаа. Үүнийг намайг хийж байгаа мэтээр нийгэмд ойлгуулж төлөөлөгчдийг хооронд нь хагаралдуулж байгаа үйлдлүүд гаргаж байна.

Далан худалч Х.Нямбаатар өнөөдөр Монгол Улсыг хөгжүүлнэ гэсэн хаана байгаа юм. Улаанбаатар хотын хулгайг арилгана гэсэн хаана байна. Мега төслийг хэрэгжүүлээд мега хулгай болгохгүй гэсэн хаана байна. Бүх асуудлын ард энэ хүн өөрөө байгаа. Хүнийг гүжирдэж доромжилдог. Энэ схемээ олон жил угсарсан болохоор энэ дээрээ ч туршлагатай болсон. Харин бид үүнийг таслан зогсоож Х.Нямбаатар гэдэг хүнийг огцруулан, иргэдийн шүүхээр шүүлгээд шалгуулж дуустал нь тэмцэх ёстой. Энэ тал дээр надтай санал нэгтэй маш олон төлөөлөгч байгаа. Манай НИТХ дотор олон сайн залуучууд байгаа. Бид нийгмийн сайн сайхны төлөө явж байгаа. Миний найз эцсийн үзтэл сайн тэмцээрэй харин эрүүл мэнд, аюулгүй байдалдаа анхаар, нэр хүнддээ анхаараарай найзууд нь хамт шүү гэсэн. Бид олонх байгаа.

Х.Нямбаатар Монголын төрөөс зайлсны дараа манай НИТХ-ын төлөөлөгчид асуудалд мэтгэлцээний зарчмаар зөв хандаж чадна. Маргаашаас эхлээд иргэдийн сонсгол хийж эхэлнэ. Үүнд зөвлөлийн гишүүд, хурлын хороодын гишүүд, төлөөллийг оролцуулна. Энэ нь мега төслүүдийг иргэд юу гэж үзэж байгаа гэдгийг харна. Нөгөө талдаа иргэдэд энэ асуудлыг нээлттэй байлгаж хянах боломжоор нь хангаж байгаа юм. Мега төслүүдийн ард хулгай байгаа учраас бид үүнтэй тэмцэж, хууль шүүхийн байгууллагууд нь шалгадаггүй юм бол иргэдийн шүүхээр нээлттэй болгож шалгая гэх зарчмаа хэрэгжүүлэх болно. Иргэдийн хурлыг ажиллуулах боломжийг Х.Нямбаатар олгож өгөх ёстой" гэлээ. 

Эх сурвалж:www.polit.mn