Т.САЙХАН

Замын-Үүд дэх Гаалийн газрын даргаар С.Дамжабавыг томилжээ. Алдарт уяач С.Дамбажав Төв аймгийн Алтанбулаг сумын уугуул. Аав Самдан нь Төв аймгийн Дэлгэрхаан сум. Харин ээж нь Эрдэнэсант сумын уугуул . Хожим нь Улаанбаатар хотод дөхөж Алтанбулаг суманд суурьшжээ. Харин С.Дамбажав хотод төрж, өссөн ч уугуул нутаг Алтанбулагаараа цолоо дуудуулдаг . Тэрээр Яармагийн дунд сургууль, Техникийн Их Сургуулийг цахилгааны инженер мэргэжлээр төгсжээ. Сүүлд хуулийн сургуулийг эрх зүйч мэргэжлээр төгсөөд, гаалийн байгууллагад 20 гаруй жил ажилласан ба Улаанбаатар хот дахь Гаалийн газарт ахлах байцаагчаар ажиллаж байжээ.

АТГ-аас өгсөн мэдээллээр Замын-Үүд дэх Гаалийн газарт өнгөрсөн дөрөвдүгээр сарын 21-ний өдрөөс мөрдөн шалгах ажиллагаа явуулж одоогийн байдлаар гурван сэжигтнийг баривчлаад байгаа билээ.Эрүүгийн хэрэг хянан шийдвэрлэх тухай хуульд заасан үндэслэл, журмын дагуу тус газарт ажиллаж буй 40 гаруй гаалийн улсын байцаагч, мөн гаалийн бүрдүүлэлт хийдэг 10 гаруй аж ахуйн нэгж, хувь хүнийг хамруулан нэгжлэгийн ажиллагаа зохион байгуулсан.Улмаар гаалийн газрын нэр бүхий албан тушаалтнууд гаалийн бүрдүүлэлт хийдэг этгээдүүдтэй холбогдон эрх мэдэл, албан тушаалын байдлаа урвуулан ашиглаж, бусдаас их хэмжээний хахууль авсан байж болзошгүй. Мөн уг хэргийг бүлэглэн үйлдсэн байж болзошгүй гэх мэдээллийг өгөөд байгаа юм.

Эх сурвалж:www.polit.mn