Голомт банк дэлхийд 800 сая гаруй хэрэглэгчтэй Apple Pay төлбөрийн системд картаа холбох боломжийг нэвтрүүлж, iPhone, Apple Watch, Mac болон iPad ашиглан төлбөр тооцоогоо хялбар гүйцэтгэх цоо шинэ боломжийг өөрийн харилцагчдадаа арилжааны банкнуудаас анхлан олгосон байдаг.
Apple Pay төлбөрийн хэрэгсэлд өмнө нь зөвхөн Mastercard болон Т брэндийн картыг холбох боломжтой байсан бол одооноос эхлэн Visa брэндийн картыг холбох шийдлийг шинээр нэвтрүүллээ. Ингэснээр Голомт банкны харилцагчдын хувьд Apple Pay-д холбох боломжтой картын сонголт илүү өргөн болж байна.
Голомт банк нь арилжааны банкнуудаас Visa брэндийн кредит болон дебит картыг өөрийн харилцагчдадаа хамгийн олон төрлөөр хүргэж буй. Үүнд биет картаас гадна онлайнаар идэвхжүүлэн ашиглах боломжтой виртуал карт ч багтана.
Та Apple Pay-дээ Голомт банкны Visa брэндийн картыг холбон ашиглахыг хүсвэл юун түрүүнд ЭНД дарж, картуудын дэлгэрэнгүй нөхцөлтэй танилцаад шинэ картаа захиалаарай.
Харин картаа захиалсны дараа SocialPay аппликэйшнээр дамжуулан Apple Pay-д картаа холбох юм.
Мөн Голомт банкны зүгээс шинээр Visa картаа Apple Pay-д амжилтай холбосон харилцагчдад дараах урамшууллаар бэлэг барьж байна.
Анхны гүйлгээний урамшуулал
SocialPay аппликэйшнээр шинэ харилцагч болоод Visa брэндийн Виртуал дебит картыг үнэ төлбөргүй идэвхжүүлэн картаа Apple Pay-д холбож, анхны гүйлгээгээ хийсэн харилцагчид шууд 10,000₮-ийн урамшуулал авах боломжтой.
Flash Deal
Apple Pay-д Visa картаа холбосон харилцагчид автоматаар 10,000 лояалти оноо бэлэглэнэ. Та оноогоороо 2026.05.29-нд зохион байгуулагдах “Flash Deal”-д оролцон Apple брэндийн бүтээгдэхүүн болон Universe картын merch бүтээгдэхүүнийг авах 4 харилцагчийн нэг болоорой.
Та Apple Pay-д үйлчлэх Анхны гүйлгээний урамшуулал болон Flash Deal урамшууллын талаар дэлгэрэнгүй мэдээллийг SocialPay аппликэйшний “Лояалти” цэсээс харах боломжтой.
Харин Голомт банкны ПОС дээр болон онлайнаар Apple Pay ашиглан төлбөр төлөх заавартай танилцах бол ЭНД дарна уу.
Apple Pay-ийн тухай: Apple Pay нь дэлхийн 90 орчим оронд хэрэглэгддэг хамгийн хялбар, найдвартай төлбөрийн хэрэгсэл юм. Та Монголд төдийгүй дэлхийн хаана ч явсан Apple Pay тэмдэглэгээ байршсан худалдаа, үйлчилгээний байгууллагад Apple Pay-ийг ашиглан хормын дотор, зөвхөн нэг үйлдлээр төлбөрөө төлөх боломжтой.
Голомт банкны бүтээгдэхүүн, үйлчилгээний талаар дэлгэрэнгүй мэдээллийг Харилцагчийн үйлчилгээний төвийн 1800-1646 дугаараас аваарай.
Дэлхийн жишиг Монголын банк
