Ц.БАЯР

Энэ сарын 6-нд Туулын хурдны замын ажлыг түр зогсоох үүргийг төрийн тэргүүнээс эхлээд ерөнхий сайд Н.Учрал Байгаль орчин уур амьсгалын өөрчлөлтийн сайд Ц.Сандаг-Очирт даалгасан. Харин энэ шийдвэр бодит байдалд хэрэгжихгүй байна. Энэ сарын 11-нд замын ажлыг гүйцэтгэж байсан хятад компанийн ажилчид  шөнийн цагаар голын голдирол өөрчлөхөөр шороо зөөж асгаж байсныг “ Хатан Туулаа хамгаалъя” хөдөлгөөнөөс хийсэн эргүүлийн үеэр илэрсэн. Мөн хурдны замын төмөр багануудыг босгох, бургас огтлох ажлыг үргэлжлүүлэн хийж байсныг бид баримтжуулсан. Энэ тухай БОУАӨ-ийн сайдад мэдэгдсэн. Бидэнд одоо болтол хариу өгөөгүй байна. Мөн биднийг цагдаагаар айлгах, сүрдүүлэх, амь насанд халдах зэргээр  дарамт байнга ирж байна. Тиймээс бидэнд хамгаалалт хэрэгтэй  байна гэж “Зууны мэдээ” сонины “Үндэсний мэдээллийн төв”-д болсон хэвлэлийн хуралд “Хатан Туулаа хамгаалъя” хөдөлгөөний зөвлөгч, экологич Туяа мэдэгдсэн. Тус хуралд  Туулын хурдны замын нөлөөлөлд өртөж буй Хан-Уул дүүргийн 20 дугаар хорооны иргэд  оролцсон юм. Тэд Туул голын бургасыг устгаж байгааг даруй зогсоох, Засгийн газрын хэрэгжүүлэгч агентлаг Усны газрын дүгнэлтийг зохиох ёсоор гаргуулаагүй, байгаль орчны нарийвчилсан үнэлгээг хуурамчаар үйлдсэн байж болзошгүй ноцтой асуудал байгааг онцолсон. Энэ тухайн ерөнхий сайд Х-Учралд мэдэгдэж энэ асуудалд анхаарч өгөхийг хүссэн байна. Асуудлын дагуу хяналт шалгалтын ажлыг зохион байгуулж хууль зөрчсөн байж болзошгүй нөхцөл байдал тогтоогдвол холбогдох арга хэмжээ авахыг БОУАӨЯ -ны  сайдад үүрэг болгосон. Гэвч сайд ажлаа хийхгүй, бидэнтэй уулзахгүй байна. Түр зогсоосон газар ажил шөнөөр үргэлжилж байгааг сайд мэдсэн ч мэдээгүй байдалтай байна гэсэн юм.

Хэрэв Байгаль орчинд нөлөөлөх байдлын үнэлгээг хуурамчаар үйлдсэн нь тогтоогдвол энэ нь байгаль орчны эсрэг гэмт хэрэг гэж үздэг хуультай. Мөн Үндэсний аюулгүй байдалд хүрч нөлөөлөх хэмжээнд асуудал үүснэ гэдгийг ч тэд хэлж байсан юм.

Эх сурвалж: polit.mn