Т.САЙХАН

УИХ-ын гишүүн Ж.Баярмаа, Д.Ганбат нарын 40 гишүүнээс  Харбины гэрээг “Хянан шалгах түр хороо байгуулах тухай” тогтоолын төслийг өргөн мэдүүлсэн. УИХ-ын чуулганы нэгдсэн хурлаар  энэ төслийг хэлэлцэв. Гэвч тогтоолын төслийг батлах санал хураалт явуулахад, хуралдаанд оролцсон гишүүдийн олонх дэмжсэнгүй. УИХ-ын гишүүн Д.Ганбат  "Харбины гэрээтэй холбоотой сонсголоор УИХ-ын МАН-ын бүлэг намрын чуулганы төгсгөлд завсарлага авсан. Уг нь тав хоногийн завсарлага авдаг. Энэ завсарлага хаврын чуулган эхэлснээр дууссан ч өнөөдөр хуралдаан 30 минут хоцорч эхэллээ. Ингэж хууль зөрчигдөж байгаа нь зохисгүй. Харбины гэрээний ард маш олон асуудал бий. УИХ-ын дарга, МАН-ын дарга хөдөө явж байгаа ч иргэд "Яагаад Харбины сонсголыг хийхгүй байна вэ" гэж их асууж байна. Ж.Баярмаа, бусад гишүүдэд ч энэ талаар олон хүн хандаж, олон иргэн утастаж асуусан. 2024 оны сонгуулиас эхлээд янз бүрийн засгийн бодлого, томоохон төслүүд хүртэл энэ гэрээтэй холбоотой гэж хэлж болно. Мухар төмөр зам, зарим гэрээнүүд цаашлаад энэ асуудал руу хүрдэг. Зөвхөн нэг хэсгийг нь харахад энэ гэрээний алдагдал нь Монгол Улсын нэг жилийн төсөвтэй тэнцэх хэмжээний буюу 34-36 их наяд төгрөг гэж яригдаж байна. Оюутолгойн сонсгол хийсэн. Харбины гэрээний сонсголыг яагаад хийж болохгүй гэж. Сонсголыг цаг тухайд нь хийвэл ард түмэнд ирэх хохирол багасна, авлига, луйвар буурна гэсэн юм" гэлээ. 

Эх сурвалж:www.polit.mn