Т.САЙХАН

МАН-ын дарга Н.Учрал намын даргын хувиар саяхан урд хөршид айлчлаад ирсэн.  БНХАУ-д хийсэн айлчлал нь Монгол Улс ойрын жилүүдэд аль салбарт, ямар чиглэлээр хамтын ажиллагаагаа тэлэх вэ гэдгийг тодорхойлсон стратегийн шинжтэй айлчлал байв. Сэргээгдэх эрчим хүч, дэд бүтэц, дижитал эдийн засаг, карбон зах зээл зэрэг ирээдүйн хөгжлийн гол салбарууд яригдсан нь үүнийг нотолно. Ийм ч учраас уг айлчлалд оролцсон төлөөллийн бүрэлдэхүүн “зүгээр нэг дагалдагчид” биш, бодлого тодорхойлогчид байсан гэхэд болно. Тэдний дунд Нийслэлийн Засаг дарга Х.Нямбаатар багтсан нь ч санамсаргүй хэрэг биш. Учир нь Улаанбаатар хотод хэрэгжих томоохон төсөл, тэр дундаа метро, дэд бүтцийн бүтээн байгуулалт нь урд хөршийн оролцоотойгоор урагшлахаар яригдаж байгаа. Тэгвэл айлчлалын үеэр МАН-ын дарга Н.Учралын нийслэлийн бүтээн байгуулалттай холбоотой зарим уулзалтуудыг Хотын дарга Х.Нямбаатар алгассан сурагтай байна.  Тухайлбал, Нийслэлд метро барих төсөлтэй холбоотой уулзалтад Х.Нямбаатар очилгүй намын даргаа олны өмнө эвгүй байдалд оруулжээ.  Ер нь  МАН-ын дарга Н.Учрал, Хотын дарга Х.Нямбаатар нар хоорондоо тийм ч таатай улстөрчид биш.   Гэхдээ үүнийгээ хоёр орны айлчлалын үеэр гаргасан нь хэр зохимжтой үйлдэл байв.  Олгой хагаравч тогоондоо гэдэг биш бил үү.

Эх сурвалж:www.polit.mn