Т.САЙХАН
Засгийн газар өнөөдөр /03.16/ ээлжит бусаар хуралдах товтой байсан ч хойшлогдоод байна. Засгийн газраас хоёр ч сайд чөлөөлөгдөх хүсэлтээ өгсөн гэх мэдээлэл байна. Түүний нэг нь Эрчим хүчний сайд Б.Чойжилсүрэн. Тэгвэл Б.Чойжилсүрэн сайд мэдээлэл өглөө. Тэрээр “Би Засгийн газрын сайдын ажлаа өгөх хүсэлтийнхээ талаар удахгүй тайлбар өгнө. Эрчим хүчний салбарт гурван жил гаруй хугацаанд ажилласан, өөрийгөө сайн, муу ажилласан гэж ярих нь ёс зүйгүй. Өргөдлөө өөрийн хүсэлтээр өгч байгаа. Миний оронд хэн сайдаар ажиллахыг мэдэхгүй байна. Надад Засгийн газраас ямар нэг шахалт, дарамт ирээгүй, өөрийн хүсэлтээр өгсөн” гэсэн тайлбарыг өгөв. Албан бус мэдээллээр, Б.Чойжилсүрэн сайдын Эрчим хүчний яамыг ХҮН намд өгч, Боловсролын яамыг МАН-ын гишүүнд өгнө гэсэн мэдээлэл улс төрийн хүрээнд гараад байна.
Эх сурвалж:www.polit.mn
