Б.НАНДИН

БНСУ-ын Ерөнхийлөгч И Жэ Мён гэргийн хамт Япон улсад айлчилж байгаа. Айлчлалын эхний өдөр албан ёсны дээд хэмжээний уулзалт хийсэн хоёр удирдагч бөмбөр цохисон чөлөөт уулзалтын бичлэг цахим орчинд олны хүртээл болоод байна. Японы ерөнхий сайд Такайчи Санаэ БНСУ-ын ерөнхийлөгчийг өөрийн төрөлх хот Нарад хүлээн авч хоёр орны удирдагчид хамтын ажиллагааны шинэ шатыг эхлүүлнэ гэдэгт санал нэгдэж, хамтарсан мэдэгдэл гаргаад байгаа. Тэгвэл албан уулзалтын төгсгөлд ерөнхий сайд Такайчи Санай зочноо хамт бөмбөр тоглохыг урьсан байна. Японы анхны эмэгтэй Ерөнхий сайд улс төрд орохоосоо өмнө оюутан байхдаа рок хамтлагийн бөмбөрчин байсан гэдэг. Тэд хамтдаа Солонгосын алдарт BTS хамтлагийн "Dynamite" болон "Kpop Demon Hunters" анимейшн киноны "Golden" дууны хэсгийг бөмбөрдөж үзүүлжээ. Өмнө нь хамтлагт байсан туршлагаараа Такаичи тоглолтыг удирдаж, И Жэ Мёнд ерөнхийлөгчид бөмбөр тоглохыг заасан байна. Энэхүү бөмбөрийн арга хэмжээ нь хамтарсан хэвлэлийн хурлын дараа хүндэтгэлийн оройн зоогийн өмнө болсон бөгөөд И Жэ Мён бөмбөр тоглох нь түүний нэг мөрөөдөл байсан тухайгаа ярьжээ. 

Эх сурвалж: polit.mn