Ц.МЯГМАРБАЯР
УИХ-ын гишүүн Д.Үүрийнтуяа төсөв тасрах эрсдэл болон зэс хайлуулах үйлдвэрийн эдийн засагт үзүүлэх нөлөөллийн талаар сэтгүүлчдэд мэдээлэл өгсөн юм. Энэ үеэр зарим зүйлийг тодруулж ярилцсаныг хүргэе.
-Макро түвшинд эдийн засаг өсөлттэй. ДНБ-ий үйлдвэрлэл харьцангуй гайгүй, мөн гадаад валютын нөөц 6.0 тэрбум ам.долларт байгаа хэр нь төсөв 2.3 их наяд төгрөгөөр тасрах хүндрэл бий болж буйг Сангийн сайд мэдэгдээд байна. Та үүнд өөрийн байр сууриа илэрхийлнэ үү?
-Манай эдийн засаг зэс, нүүрс гэсэн хоёр уул уурхайн бүтээгдэхүүний экспорт дээр тогтож байна. Зэс болон нүүрсний үнэ дэлхийн зах зээл дээр савлахад манай эдийн засаг, төсөв дагаад савладаг. 2025 оны улсын төсөвт нүүрсийг 105 ам.доллароор тооцож төсөвлөсөн. Эхний 10 сарын байдлаар гүйцэтгэл 66.7 хувьтай байна. Энэ нь нүүрсний дэлхийн зах зээлийн үнэ бидний тооцсон дүнгээс 35 орчим хувиар доогуур байгаагаас төсвийн орлого тасалдах нөхцөл үүсгээд байна. Өөрөөр хэлбэл, төсвөө өөдрөгөөр төсөөлж зардлаа өндөр тавсан нь энэ байдалд орох шалтгаан болж байна.
Харин Г.Занданшатар Ерөнхий сайд ажлаа аваад төсвийн тодотголоор зардлыг хоёр их наяд төгрөгөөр бууруулсан тулдаа өдий зэрэгтэй явж байна. Хэдийгээр макро түвшинд эдийн засаг өсөлттэй. ДНБ-ий үйлдвэрлэл харьцангуй гайгүй, мөн гадаад валютын нөөц 6.0 тэрбум ам.долларт байгаа хэр нь мөнгөн урсгал дээр ийнхүү доголдол үүсээд байгаа нь гадаад зах зээлээс мөнгө оруулж ирж буй бүтээгдэхүүний нэр төрөл нь хоёрхон байгаатай холбоотой. Эдийн засгийн өсөлт нь бүх салбарын өсөлтөөс хамаардаг учраас хөдөө аж ахуйн салбарын өсөлт нөлөөлж буй. Гэхдээ уг салбар нь мөнгө урсгалд ачаалал болдгоос биш нэмэр болдоггүй. Өөрөөр хэлбэл, татаас авч байж үйлдвэрлэл явуулдаг. Харин уул уурхай мөнгө оруулж ирдэг. Тэгэхээр мөнгөн урсгалд нөлөөлж буй нөлөөлөл уул уурхайн салбараас шууд хамааралтай байгаа нь төсвийн орлого тасрах, санхүүжилт гацах хэмжээнд хүргэж байна.
Дэлгэрэнгүйг: ЭНД дарж 2025.12.11 № 233 (7730) дугаарыг захиалан уншина уу.
Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.
Үнэн мэдээллийг хамтдаа хамгаалцгаая.
Бие даасан сэтгүүл зүйг дэмжин "Зууны мэдээ" захиалаарай. www.zuuniimedee.mn
