Бүгд найрамдах Вьетнам улсын нийслэл Ханой хот 2025 оны эхний 11 сард 30.94 сая жуулчин хүлээн авсан нь өмнөх оны мөн үеэс 22.1%-иар өссөн байна. Энэ нь түүхэн хамгийн өндөр үзүүлэлт болсон ба аялал жуулчлалын орлого 20.7%-иар өсчээ.

Ханойн Аялал жуулчлалын газрын мэдээлснээр тус хот зөвхөн арваннэгдүгээр сард л гэхэд 2.5 сая жуулчин хүлээн авсан нь 2024 оны мөн үеэс 14.7%-иар өссөн  үзүүлэлт аж.

Үүнээс гадаадын жуулчдын тоо 851,100-д ​​хүрч, 25%-иар өссөн бол дотоодын жуулчдын тоо 10%-иар нэмэгдэж, 1.65 саяд хүрсэн байна.

Ханой хотын өндөр гүйцэтгэл нь аялал жуулчлалын шинэ бүтээгдэхүүн, үйлчилгээ, арга хэмжээнүүд нь зах зээлийн сонирхол татахуйц өсөн нэмэгдэж буйтай холбоотой юм гэж  VnExpress мэдээлжээ. Жилийн сүүлчээр аялал жуулчлалын үйл ажиллагаа баялаг хөтөлбөр бүхий сонирхолтой арга хэмжээ, эрч хүчтэй сурталчилгаагаар дүүрэн байдаг нь тус улсын аялал жуулчлалын бас нэгэн онцлог аж.

Өсөн нэмэгдэж буй эрэлт нь зочид буудлын ачааллыг нэмэгдүүлжээ.  Арваннэгдүгээр сард хотын өрөөний дүүргэлт 73.4%-д хүрч, өмнөх оны мөн үеэс 6.3 хувир өссөн байна. Ханойд одоогоор 71,000 гаруй өрөө бүхий 3761 зочид буудал байгааг VnExpress-ийн мэдээнд дурджээ.

Эх сурвалж: www.polit.mn