Ч.БЯМБАХАЖИД

Гэрэл зургийг Р.ОЮУН

“Үндэсний жигүүр” хөдөлгөөнөөс МАН-ыг тараах уриалгыг олон нийтэд хүргэх тухай мэдээлэл хийлээ.

Өнөөдөр Монгол Улсад Дээд шүүхэд бүртгэлтэй 37 улс төрийн нам үйл ажиллагаа явуулж байна. 1992 оноос хойших найман удаагийн сонгуульд улс төрийн намууд Үндсэн хуулийн хүрээнд ижил тэгш эрхтэйгээр оролцож, ардчиллын үнэт зүйл, зарчмыг сахиж ирсэн. 2024 оноос мөрдөгдөж буй Улс төрийн намын тухай хуултийн дагуу намууд үндсэн дүрмээ шинэчлэн, намын дарга сонгож дээд шүүхэд бүргүүлж байгаа нь улс төрийн тогтолцооны шинэ шат гэдгийг “Үндэсний жигүүр” хөдөлгөөний төлөөллүүд хэллээ.

МАН-ыг тараах уриалгын талаар “Үндэсний жигүүр” хөдөлгөөний гишүүн А.Цэрэнбат “100 жилийн түүхтэй МАН-ын даргын сонгуулийн маргаан нь Монгол төрийн хямрал болж, Үндсэн хуулийг ноцтой зөрчсөн явдал төдийгүй төрийн эрхийг хууль бусаар авахыг оролдсон нь төрийн хариуцлагатай албан тушаалтны мэдэгдлээр ил болсон. МАН-ын удирдлагын хууль бус үйл ажиллагаа, ёс бус үйлдэл, хулгай, дээрэм, авлига, заналхийлэл хэрээс хэтэрч байгааг бид сүүлийн 10 жил хангалттай харж, сонслоо.

2016 онд 60 тэрбумын хэрэг, 2017 онд ЖДҮ хулгай, 2018 онд МАНАН мафи, 2020 онд КОВИД-ын хулгай, 2023 онд Ногоон автобусны хэрэг, 2022 оноос Нүүрсний мафийн гэх хэргүүд илэрсэн ч шийдэгдэлгүй өнөөдрийг хүрлээ. Цаашид ч хууль шүүхийг худалдан авч нуун дарагдуулсаар байх болно. Харин энэ хугацаанд ахмадууд, багш, эмч нар амжиргаандаа хүрэхгүй цалин тэтгэвэртэй, хүүхдүүд сургууль, цэцэрлэггүй, эмнэлгүүд эм тариа, хэвтэх оргүй, иргэд нь бензин түлшгү, хорт утаанд амиа алдан өдрөөс өдөрт иргэдийн амьдрал улам дордож байна. Гэсэн худий ч эрх баригч нам энэ бүхнийг эвлэрлийн ажлын хэсэг нэрийн дор хаацайлж, хуулийг нйамаалцан, хэргээ нуун дарагдуулж байна. Иймээс иргэд, улс төрийн намууд, иргэний нийгмийн байгууллагууд хамтдаа МАН-ын хууль бус үйл ажиллагааг таслан зогсоож, хуулийн хариуцлага хүлээлгэх, шүүхээр тараах тэмцэлд нэгдэхийг уриалж байна” гэв.

Эх сурвалж: zms.mn