Б.ДАМДИН-ОЧИР
Засгийн газрын уржигдрын ээлжит хуралдаанаар Гашуунсухайт-Ганцмод хилийн төмөр замын талаарх бүх гэрээ, материал, “Эрдэнэс Тавантолгой” ХК-ийн 2020-2022 онд хамаарах Нүүрс нийлүүлэх 32 гэрээг ил болголоо. Ерөнхий сайд Г.Занданшатарын “…Нүүрсний хулгайтай холбоотой” хэмээн тодорхойлсон гэрээнүүд дунд “Бодь интернэшнл” ХХК-ийнхан Тавантолгой-Гашуунсухайтын төмөр замыг барихдаа байгуулсан оффтейк гэрээнүүдийн задаргаа гарч ирлээ. Үүнтэй холбогдох есөн гэрээг 2022 оны сүүлчээр Засгийн газрын 449 дүгээр тогтоолоор төрийн нууцаас гаргаж байв. Тэр үед Нээлттэй нийгэм форум, “Санхүүгийн хүртээмж-хөгжил санаачилга” ТББ-ын судалгааны баг ноцтой дүгнэлт өгсөн байдаг юм. Тэд “...Гэрээнд, үлдсэн төлбөрийг нүүрсээр санхүүжүүлэх бөгөөд хөнгөлөлттэй үнээр борлуулна. Гарах бүх ханшийн эрсдэлийг “Эрдэнэс Тавантолгой” ХК хариуцах зэрэг санхүүжилттэй холбоотой олон төрлийн заалтыг оруулсан. Уг гэрээгээр “Эрдэнэс Тавантолгой” ХК-ийн тухайд алдагдсан боломжийн өртөг өндөр, хэвийн үйл ажиллагаа явуулаад олох орлогоо хэд нугалж алдсан. Харин “Бодь интернэшнл” ХХК-д давуу байдал бий болгосон” хэмээн дүгнэсэн. Мөн “…Бусад гэрээнд тодорхой дүгнэлт өгөхөд мэдээлэл хангалттай ил тод биш байна” гэсэн байдаг.
Ер нь бол “Бодь интернэшнл” ХХК-ийн нийт санхүүжилт 1.005.630.179 ам.доллар, нэмж 2013 онд өөр компанийн хийж гүйцэтгэж байсан 276.4 сая ам долларын ажлыг оролцуулаад нийт 1.3 тэрбум ам.долларын санхүүжилттэй болжээ. Түүнчлэн, төмөр замын бүтээн байгуулалтын ажлыг зах зээлийн үнээс өндөр үнээр гүйцэтгүүлсэн. Урьдчилгаа төлбөрийг харилцан тохиролцож, албан ёсны гэрээ байгуулаагүй байх үедээ шилжүүлсэн байна. Харин өнөөдөр Нүүрс нийлүүлэх гэрээнүүд нь ингэж ил болсноор “Бодь интернэшнл”-ийн олсон, “Эрдэнэс Тавантолгой” ХК-ийн алдсаныг тооцох боломжтой болж байгаа юм. Дашрамд хэлэхэд, “Бодь интернэшнл” энэ Тавантолгой-Гашуунсухайтын 233.6 км төмөр замыг 1.3 тэрбум ам.доллараар, харин одоогийн Зам тээврийн сайд Б.Дэлгэрсайхан 2022 онд Зүүнбаян-Хангимандалын 226 км төмөр замыг 400 сая ам.доллараар найман сарын хугацаанд барьсан байдаг.
Эх сурвалж: “Зууны мэдээ” сонин
2025 ОНЫ АРАВДУГААР САРЫН 10. БААСАН ГАРАГ. № 191 (7688)
Оюу толгой ХХК-ийн гүйцэтгэх захирал С.Мөнхсүх гэж хэн бэ?
Оюу толгой ХХК-ийн гүйцэтгэх захирал С.Мөнхсүх гэж хэн бэ?
59 мин
Э.Батшугар: Гар утсаараа компаниа байгуулж хянах боломжтой боллоо
Э.Батшугар: Гар утсаараа компаниа байгуулж хянах боломжтой боллоо
1 цаг 4 мин
Луугийн хүчнээс эмээхийн учир
“Болгоомж бол зөв шийдлийн ээж. Болгоомжтой нэг нь ивээгдэнэ”. Мэргэдийн ийм нэгэн
8 цаг 46 мин
Нууц эвлэрлийн гэрээ: Б.Энхбаяр VS Б.Солонгоо
Хууль зүй, дотоод хэргийн сайд Б.Энхбаяр “Нууц эвлэ
8 цаг 46 мин
Их Британийн Ерөнхий сайд К.Стармер БНХАУ-д айлчилж байна
Их Британийн Ерөнхий сайд Киер Стармер БНХАУ-д дөрвөн өдрийн айлчлал хийж байна. Э
2026-01-30
УИХ-ын дарга Н.Учрал: Аймгуудын эдийн засгийн бие даасан байдлыг нэмэгдүүлж, эрх мэдлийг орон нутагт шилжүүлнэ
Говь, тал хээр, хангай хосолсон гурван бүсийн нутаг Баянхонгор аймгаас УИХ-ын дарга Н.Учрал т
2026-01-30
АН албан ёсны ротацидаа бэлдэж, МАН жам ёсны “ротаци”-аа хийгээд эхлэв үү?!
Энэ хаврын улс төр элдэв “сэдэв”-ээр өрнөж магадгүйгээр дуншиж байна.
2026-01-30
АН: Б.Чойжилсүрэнд хариуцлага тооцохгүй бол Засгийг огцруулах акц хийнэ
АН-ын Ерөнхий нарийн бичгийн даргын үүрэг гүйцэтгэгч Д.Амарбаясгалан өчигдөр мэдээлэл хийлээ. Энэ үеэрэ
2026-01-30
Оюу толгойн авлигыг “сөхсөн” сөрөг нэхэмжлэлээ татаж “Рио Тинто”-д буулт хийх үү?!
“Оюу толгой” ХХК-ийн ТУЗ-д Монгол Улсыг төлөөлж байсан гурван гишүүнийг чөлөөлөх үүргийг Ерөнхий сайд өгчээ.
2026-01-30
"Eguur News" мэдээллийн сайт долоон нас хүрлээ
2019 оны нэгдүгээр сарын 29-ний өдөр “Eguur News” агентлаг цаасан дээрх төслөөс биежиж, хэвлэл мэдээллийн салбарт өөрсдийн редакцыг бүрдүүлэн ажиллаж эхэлжээ.
2026-01-29