Б.ГАРЬД

Сүүлийн үед “…Гашуунсухайт-Ганцмодны хил холболтын гэрээ Монголд ашиггүй, алдаатай болсон” гэж нэлээд яригдаж байна. Эх сурвалжууд “…Энд нэг сонин юм байгаа. Жишиг үнэ гэж байгаа. Жишиг үнийг барихдаа урьд нь “Чайна энержи” гэдэг компанитай, “Чалько”-той гэрээ хийж байхдаа үзүүлж байсан, тэгэхээр биржийн үнээс тав орчим хувийн хөнгөлөлт үзүүлж болно шүү. Таван хувиас илүү хөнгөлөлт үзүүлж болохгүй шүү гэж. Тэгтэл өнөөдөр бирж дээр 95 ам.доллар байхад 55 орчим ам.доллараар өгнө гэж байна. Тэгэхээр 40 ам.долларын алдагдал байна. Тэгэхлээр бид биржийн үнээс таван хувь биш бүр 40 гаруй хувийн хөнгөлөлттэй өгчихөж байгаа байхгүй юу. Тэгэхээр бид их гэнэн байна эс үгүй бол эсвэл ард нь луйварчид байна. Товчхондоо, нүүрсний тонн тутмаас 40 ам.доллар алдаж байгаа юм байна. Тэгэхээр 250 сая тонноос 10 тэрбум доллар алдаж байгаа байхгүй юу.  Гэхдээ мэдээж 10 тэрбум долларыг алдаад явуулчихна гэж байж боломгүй” гэж байгаа юм.

Энэ тухай зүгээр нэг яригдаад өнгөрөхгүй нь бололтой. Эх сурвалжийн “…Мөрдөх байгууллагууд Гашуунсухайт-Ганцмодны хил холболтын гэрээтэй холбоотойгоор зургаан улстөрчийг шалгаад эхэлсэн” гэх мэдээлэл тарж байна. Тодруулбал, өмнөх Засгийн газарт сайдаар ажиллаж байсан, мөн дээрх гэрээг байгуулахад ипэвхийлэн оролцсон нэр бүхий зургаан хүнийг “…Алдагдалтай гэрээ байгуулсан” мөрдөн шалгаад эхэлсэн байна. Түүнчлэн, “…Уг асуудлаар нэр бүхий сайд асан улстөрчдийг шалгахгүй, удаашруулсан тохиолдолд ажлаас нь өөрчилнө” гэсэн сануулгыг зарим мөрдөх байгууллагын удирдлагад өгчээ.

Эх сурвалж: “Зууны мэдээ” сонин

2025 ОНЫ ЕСДҮГЭЭР САРЫН 11. ПҮРЭВ ГАРАГ. № 170 (7667)

Уншигч Танд “Зууны мэдээ” сонины нийтлэлтэй холбоотой санал, шүүмжлэл, хүсэлт байвал zuuniimedee@gmail.com хаягаар илгээгээрэй.