БАЯНГОЛ ДҮҮРГИЙН ДАМДИНБАЗАРЫН ГУДАМЖИНД МОД ТАРЬЖ, ЗҮЛЭГЖҮҮЛЭХ АЖИЛ ХИЙЖЭЭ.
Манай орны 70 гаруй хувь нь цөл болон хувирч байгаа. Уур амьсгалын өөрчлөлтийн улмаас хур тунадас багасч, бэлчээрийг хайр гамгүй ашигласны улмаас хөрсний чанар муудаж, усны хомсдол үүсэх эрсдэл өндөр байгаа билээ. Ийм үед Бурханы сүм Дэлхийн Сайн Мэдээний Авралын Зар Нийгэмлэг (Ерөнхий пастор Ким Жү Чоль, цаашид Бурханы сүм гэх) 18-ны өдөр Улаанбаатар хотын Баянгол дүүргийн Дамдинбазарын гудамжинд “Итгэл найдварын ой” аяныг зохион байгуулж, уур амьсгалын өөрчлөлттэй тэмцлээ.
Бурханы сүмийн нэгэн албан тушаалтан “Бурханы бүтээсэн эх дэлхий, хүрээлэн буй орчноо хайрлан хамгаалахын төлөө мод, зүлэг тарих үйлсэд оролцлоо. “Бидний энэхүү багахан үйлс аюулгүй, тогтвортой орчныг бүрдүүлэхэд хувь нэмрээ оруулна гэж найдаж байна” гэжээ.
Шар өнгийн хантааз өмссөн 40 орчим итгэгч Баянгол дүүргийн 18-р хорооны нутаг дэвсгэрт байрлах Дамдинбазарын гудамжинд цугларч мод тарьсан байна. Сайн дурынхан 18-р хорооны засаг даргын зааврыг сонссоны дараа эхлээд талбайгаас хогийн ургамал, чулуу, хогийг зайлуулж, газрыг тэгшлэв. Тэд модны үндсийг тарааж, нүхэнд суулгажээ. Дараа нь зүлэгний үр, хар шороо, элсийг жигд тарааж өгчээ. Тухайн өдөр сайн дурынхны тарьсан мод, зүлэг ургаснаар нарийн тоосжилтыг багасгаж, иргэдийн ая тухтай амьдрах орчныг бүрдүүлэхэд эерэгээр нөлөөлнө гэж үзэж байна.
Сүмийн үйл ажиллагааг баяртайгаар хүлээн авсан 18-р хорооноос бээлий, хүрзээр ханган ажиллажээ. Үйл ажиллагаанд хүрэлцэн ирсэн 18-р хорооны засаг дарга Б.Дорждагва “Бурханы сүмтэйгээ хамтраад сайн дурын үйл ажиллагаа хийж байгаадаа маш их баяртай байна. Халуун өдөр олуулаа цугласан байна. Бүгдэд нь баярлалаа. Цаашдаа хамтдаа илүү олон ажил хийнэ гэж итгэж байна” гэжээ. Бурханы сүмийн итгэгч Э.Энхцэцэг (нас 35) “Байгаль орчноо хайрлан хамгаалах сайн дурын үйлсэд оролцож байгаадаа үнэхээр их баяртай байна. Бидний тарьсан мод зүлэг хурдан ургаад, хорооны үзэмж сайхан болно гэдэгт итгэж байна” гэжээ. Итгэгч Т.Цэндцэсэм (нас 40) “Бидний хийж байгаа үйлсийг иргэд хараад урам зориг их авч байгаа харагдсан. Ийм сайхан үйлсэд оролцож байгаадаа иргэн хүний хувиар үнэхээр их бахархалтай сайхан байлаа” гэв.
Бурханы сүмийн "Итгэл найдварын ой” аян нь сүм байгуулагдсаны 60 жилийн ойг тохиолдуулан 2024 онд эхлүүлсэн "Дэлхий дахинд итгэл найдвар түгээе” челленжийн нэг хэсэг юм. Уг челленж нь уур амьсгалын өөрчлөлттэй тэмцэх, ой төгөл бий болгох зорилготой байгаль орчин хамгаалах үйл ажиллагаа юм. Үүнд: Мод тарих, ховордсон ургамлыг хамгаалах, биологийн олон янз байдлыг хамгаалах замаар экосистемийг хамгаалахаас гадна байгаль орчны талаарх мэдлэгийг дээшлүүлэх сургалт, форум, семинар зохион байгуулж, олон улсын хамтын нийгэмлэгийн Тогтвортой хөгжлийн зорилтуудыг (SDGs) хэрэгжүүлэхэд оролцох зэрэг багтаж байгаа аж. Олон улсын цэцэрлэгт хүрээлэнд 500 мод тарих ажлыг оролцуулаад Солонгос, Австрали, Бразил, Перу, Кени зэрэг дэлхийн олон оронд нэгэн зэрэг хийгдэж байгаа үйл ажиллагаа юм.
Бурханы сүм мод тарихаас гадна эмзэг бүлгийн иргэдэд туслах, цусаа хандивлах, гудамж талбай цэвэрлэх зэрэг олон төрлийн сайн дурын үйл ажиллагаа зохион байгуулж, бүс нутгийн хөгжилд хувь нэмрээ оруулсаар ирсэн. Тэд жил бүр хөгжлийн бэрхшээлтэй хүүхдүүд болон өндөр настнууд зэрэг амьжиргааны түвшин доогуур айл өрхүүдийг хоол хүнс, өдөр тутмын хэрэгцээт зүйлээр ханган ажиллаж иржээ. НҮБ-аас зарласан "Нийгмийн шударга ёсны төлөөх дэлхийн өдөр (2-р сарын 20)"-ыг тохиолдуулан дэлхий даяар итгэл найдвар түгээх зорилгоор "Hold Hope" аяны хүрээнд эмзэг бүлгийн 15 өрхөд хүнсний багц хандивлажээ. Цусны хомсдолоос болж амь нас нь эрсдэлд орсон хүмүүст туслах зорилгоор “Алгасал баярын хайр, амь бэлэглэх хайр” буухиа аяныг өрнүүлж, өнгөрсөн онд л гэхэд 42,100 мл цусаа хандивлажээ. Тэдний хичээл зүтгэлийг үнэлж, өнгөрсөн онд олон орны сайд нар, Улсын Их Хурлын гишүүд, хотын дарга нар, их сургуулийн захирлууд, цусны төвийн дарга нар нийт 46 удаа шагнал гардуулсан байна.
Дэлхийн 175 орны 7800 бүс нутагт үйл ажиллагаагаа явуулдаг Бурханы сүм нь Библид гэрчлэгдсэн Эцэг Бурхан, Эх Бурханд итгэдэг 3.92 сая итгэгчтэй глобал сүм юм. Есүсийн үүсгэн байгуулсан анхны сүмийн үйлсийн дагуу шинэ гэрээний Алгасал баяр болон гурван удаагийн долоон баярыг тэмдэглэж, “Хөршөө өөрийн адил хайрла” гэсэн Христийн сургаалын дагуу дэлхий даяар гамшгийн өмнөх болон дараах тусламж үзүүлэх, байгаль орчин хамгаалах, цус хандивлах, соёлын солилцооны хөтөлбөр зохион байгуулах, зан чанарын сургалт олгох зэргээр улс нийгэмд хувь нэмэр оруулах 30,000 гаруй сайн дурын үйл ажиллагаа зохион байгуулжээ.
Тэдний оруулсан хувь нэмрийг үнэлэн АНУ-ын гурван үеийн засгийн газрын Ерөнхийлөгчийн нэрэмжит сайн дурын ажлын шагнал, БНСУ-ын гурван үеийн засгийн газрын Ерөнхийлөгчийн нэрэмжит шагнал, Английн Хатан хааны сайн дурын ажлын шагнал, Бразилын Үндэсний Ассемблийн дээд одон, Перугийн Үндэсний Ассамблейн хүндэт одон, Байгаль орчны дээд шагнал зэрэг дэлхийн улс орнуудын засгийн газар, байгууллагуудаас 5000 гаруй шагнал, өргөмжлөл хүртжээ.