П.АМГАЛАН
Жокер Д. Цолмонхүү Нийслэлийн Засаг дарга, Улаанбаатар хотын захирагч Х.Нямбаатарыг огцруулах жагсаалыг дөрөвдүгээр сарын 19-нд зохион байгуулах талаар мэдээлэл хийлээ. Тэрээр “ Х.Нямбаатар нь Монголын ард иргэдийг дарангуйллын чиг баримжаагаар удирдаж байна. Улаанбаатар хотын иргэдийн амьдрал тулгуурласан шийдвэр гаргаж ажиллаж чадахгүй байна.
Хөгжингүй, хөгжиж байгаа улс орнуудын хувьд аливаа дэд бүтцийн бүтээн байгууламжийг хийхдээ түүнд орох эдийн засгийн хэрэгцээг иргэдээсээ татвар нэмэх хэлбэр авдаггүй. Гэвч Нийслэлийн Засаг дарга, Улаанбаатар хотын захирагч Х.Нямбаатарын хувьд Туулын зам дагасан хурдны зам болон Улаанбаатар хотыг тойрсон хурдны зам барина гэсэн үндэслэлээр татвар авч байгаа. Жишээлбэл, хоолны фестивальд 1.5 тэрбум төгрөгийг зарцуулж байна. Энэ нь бидний төлсөн татварын мөнгөөр хийж буй арга хэмжээ. Уг арга хэмжээг ААН, байгууллагуудаар ивээн тэтгүүлж, сурталчлах хэлбэрээр зохион байгуулж болох байсан. Гэвч аливаа төсөл хөтөлбөр, дэд бүтэц, хотыг удирдах ёс суртахуун, ажиллах хүчин алга” гэлээ.
Эх сурвалж:www.zms.mn