Б.БАЯР

Монгол Улсын тав дахь Ерөнхийлөгч Х.Баттулга 2024 оны УИХ-ын сонгуулиар ялалт байгуулсан. Тэгж тэрээр буугаад УИХ-ын гишүүнээр сонгогдсон анхны Ерөнхийлөгч болсон. 
Цаашлаад, Х.Баттулга Монгол Улсын Ерөнхийлөгч нараас бас нэг үзүүлэлтээр анхны хэмээх тодотголыг авахаар болж байна. 
УИХ-ын гишүүн болсноосоо хойш “…Хурал тасалдаг” гэх шүүмжлэлд байнга өртөж ирсэн. 
2025 оны нэгдүгээр сард УИХ-ын Ёс зүй, дэгийн байнгын хороо 2024 оны тайланг хэлэлцэх үеэр тус Байнгын хорооны дарга Б.Баярбаатар "…Хуралдаа суудаггүй Х.Баттулга, С.Лүндэг гэх мэт гишүүд байна. Ёс зүйн дүрмийн дагуу хариуцлага тооцох саналыг оруулж ир" гэж байсан юм. Харин Х.Баттулга “…Өвчтэй байсан. Дахиад таслахгүй” гэсэн тайлбарыг өгч байв. 
Тэгвэл түүнд цалингийнх нь 20 хувийг гурван сараар хасах арга хэмжээ авахаар төлөвлөсөн байна. Удахгүй үүнийг хуульд зааснаар хэлэлцээд шийдэхээр болжээ. Ингэснээр Х.Баттулга ажлаа таслаад шийтгүүлсэн анхны “Ерөнхийлөгч” болж байгаа юм.

Эх сурвалж: polit.mn