С.УРТНАСАН
Монголын хүний төлөө намаас “Үндэсний мэдээллийн төв”-д мэдээлэл хийлээ.
Тодруулбал, Монголын хүний төлөө нам, Иргэдийн Шударга шүүх ТББ-ын гишүүд ЗГ-ын боловсруулан УИХ-аас 2024.08.27-ны өдрийн 21 тоот тогтоолоор баталсан Монгол Улсын ЗГ-ын 2024-2028 оны үйл ажиллагааны хөтөлбөрийг Монгол улсын Үндсэн хуульд нийцээгүй, Үндсэн хуулийг зөрчсөн гэдгийг тогтоолгохоор Үндсэн хуулийн цэцэд өргөдөл гаргасан байна.
Тус хурлаар Иргэдийн Шударга Шүүх ТББ-ын тэргүүн Х.Батялалт “УИХ, ЗГ нь өөрөө Үндсэн хуулиа зөрчигч, үгүйсгэгч байж болохгүй. ЗГ үйл ажиллагааны хөтөлбөрт “Улсын эрх ашиг нэгдүгээрт, улс төрийн намын эрх ашиг хоёрдугаарт, эцэст нь хувийн эрх ашиг бай зарчмыг үнэт зүйлээ болгоно” гэж үнэт зүйлээ тодорхойлсон нь Үндсэн хуулийг зөрчсөн болохыг батална.
Мөн Монгол улсын ЗГ нь Үндсэн хууль даа байхүй намын эрх ашиг, хувийн эрх ашиг гэсэн ойлголтуудыг үнэт зүйлээ болгож иргэний эрх ашиг, иргэнийхээ өмнө хүлээсэн Үндсэн хуулийн үүргээ тодорхойлоогүй нь Монгол улсын Үндсэн хуулийн байгуулалтад халдсан хэрэг бөгөөд хэсэг бүлэг этгээдүүдийн эрх ашигт үйлчилж ажиллана гэдгээ илэрхийлсэн нь хуулийн зөрчил гэж үзэхээр байна.
Цаашлаад Засгийн газрын үйл ажиллагааны хөтөлбөрт “Алсын хараа-2050”, “Шинэ сэргэлтийн бодлого” Монгол улсын урт, дунд хугацааны хөгжлий бодлогыг тогтвортой хэрэгжүүлж, хөгжлийн тулгамдсан асуудлыг цаг алдалгүй, хурдтай шийдвэрлэхийг зорино” гэж тодорхойлсон ба үүнд Үндсэн хуулийг сахин биелүүлэх тухай ямар ч ойлголт тусгагдаагүй. Учир нь “Алсын хараа-2050” гэх бичиг баримтад Үндсэн хуулиас өөр эрхэм зорилгыг хуульчлан баталгаажуулсан байна” гэж ярьж байлаа.
Монголын хүний төлөө нам нь хэвлэлийн хурлаар дамжуулан тэд бид гэсэн талцал хуваагдлаа зогсоож, улс орноо Үндсэн хуулийнхаа дагуу удирдах. Түүнчлэн 2025 оны гуравдугаар сарын 14-ны өдөр “Монгол улсын Үндсэн хуулиа дээдлэн хүндэтгэж, сахин биелүүлэх үү Эсвэл хуульгүй мэт амьдрах уу сэдэвт хэлэлцүүлэг зохион байгуулах гэж байгаа тул Үндсэн хуулиа сахин биелүүлэхийг дэмжигчдыг идэвхтэй оролцохыг уриалсан юм.
Эх сурвалж: zms.mn