Ч.БЯМБАХАЖИД
Хан-Уул дүүргийн иргэд, дэмжигчдийн төлөөлөл УИХ-ын гишүүн Ч.Лодойсамбууд холбогдох асуудлаар мэдээлэл хийлээ
Сүүлийн үед УИХ-ын гишүүн Ч.Лодойсамбуугийн хийж буй мэдэгдлийг эсэргүүцэн, тойргийн иргэдтэйгээ нэг ч удаа уулзаж, хийж хэрэгжүүлэх ажлынхаа талаар яриагүй хэмээн холбогдох асуудлаар Хан-Уул дүүргийн 10 дугаар хорооны иргэн Д.Батжаргал байр сууриа илэрхийллээ. Тэрээр “Баялгийн сангийн тухай хууль”-ийг эсэргүүцэж байгаа нь иргэдийнхээ эрх ашигт халдсан үйлдэл болж байна. Ч.Лодойсамбууг УИХ-ын гишүүнээс эргүүлэн татахаар 100 мянган хүний гарын үсэг цуглуулж эхэлнэ” гэв.
Мөн Хан-Уул дүүргийн 20 дугаар хорооны иргэн Ц.Нямсүрэн “УИХ-ын гишүүн Ч.Лодойсамбуу нь сонгогдсноосоо хойш дүүргийн иргэдтэй нэг ч удаа ирж уулзаагүй. Мөн үндэслэлгүй орлоготой. Үүнийгээ тайлбарлах хэрэгтэй. Дээрээс нь “Энержи Ресурс”-ийн хөрөнгө оруулагчаас авсан 238 сая төгрөгийн хандиваа тайлбарлахыг шаардаж байна” гэлээ.
Эх сурвалж: zms.mn