С.Уртнасан

Нярайн хүйн халдварт өвчний хор уршиг болон хүний эрхийн асуудлаар эрх нь зөрчигдсөн иргэн “Үндэсний мэдээллийн төв”-д мэдээлэл хийлээ. Тодруулбал,1970-1980 онд эмнэлгийн ариутгал цэвэрлэгээний асуудлаас болж нярайн хүйн халдварт өвчин гарч хүүхэд олноор энджээ. Тухайн үед өвчнөөс амьд үлдсэн цөөхөн хэдэн хүүхэд эрүүл мэндийн асуудалтайгаар өссөн байна. Үүнээс болж өөрийн биеийн болон гоо сайхан, нөхөн үржихүйн эрүүл мэндээр хохирч эрх нь зөрчигдсөн эмэгтэй Хүний эрхийн үндэсний комисс, Эрүүл мэндийн яамд хэвлэл мэдээллээр дамжуулан хяналтын сонсгол хийж, зөрчигдсөн эрхээ сэргийлгэх хүсэлтэй байгаагаа илэрхийлэв. Тэрээр “Эмнэлгийн буруутай үйл ажиллагаанаас болж би олон жилийн өмнө хохирсон хүүхдүүдийн нэг. Тиймээс өөрт учирсан эрүүл мэнд, сэтгэл санааны хохирлоо барагдуулахаар 2022 онд хүний эрхийн үндэсний комисст хандсан. Өөрийн зөрчигдсөн эрхийг сэргийлгэхээр олон ч байгууллага хүмүүстэй уулзсан. Ерөнхий сайд Л.Оюун-Эрдэнэ төрөөс харж үзэх зайлшгүй шаардлагатай гэж үзсэн боловч Хүний эрхийн үндэсний комиссын дарга С.Эрдэнэболд, М.Нарантуяа нар сонсгол хийнэ гэж албан бичиг өгсөн часуудал одоог хүртэл шийдэгдээгүй байна. Хүний эрхийн төлөө ажиллах ёстой байгууллага ажлаа хийхгүй байгаа нь иргэдийг хохироход хүргэлээ. Хяналтын сонсгол хийлгэхийг хүссэн боловч хүний эрхийн үндэсний комисс ажлаа өөрсдөөсөө холдуулж шийдвэрлэхээс татгалзсан. Монгол Улсад эмчлэгдэх боломжгүй 25 төрлийн өвчний нэг учраас гадаадад эмчлүүлбэл улсаас 20 хувийг нь олгох боломжтойгэж ЭМЯ-ны сайд Т.Мөнхсайхан хэлсэн. Эмчилгээний зардал 800 гаруй сая төгрөг УИХ-ын эмэгтэй гишүүдээсминий асуудлыг шийдээд өгөөч гэж хүсмээр байна” гэв.