С.УРТНАСАН

“Үндэсний мэдээллийн төв”-д Улс төрийн намуудын хэвлэлийн бага хурал боллоо. Тус хурлаар их хуралд суудалгүй намууд Монгол Улсын 2025 оны төсвийн төсөл нь ард иргэд болон аж ахуй нэгжүүдийн саналыг сонсолгүй, татвар төлөгчдийн мөнгийг хяналтгүй үр ашиггүй зарцуулсан,  урсгал зардлыг хэт нэмэгдүүлсэн, чөлөөт зах зээлийг хумьсан зэрэг санхүүгийн тооцоололгүй төсөв болсон гэж үзэж байна. Тиймээс  Монгол Улсын Их Хурал онцгой эрхийнхээ хүрээнд уг төсвийн төслийг эргүүлэн татаж төсвийн хулгайг зогсоон, үр ашгийг нэмэгдүүлэх замаар ард иргэдийн аж амьдралыг дээшлүүлэх, орлогыг нэмэгдүүлэх, аж ахуй нэгжийн үйл ажиллагааг дэмжих, бизнесийг тэлэх, хүний эрх эрх чөлөөг нэмэгдүүлэх, цахилгаан дулааны үнийг нэмсэнтэй холбогдуулан олон төрлийн татвар зээлийн хүүг бууруулах, иргэд нэг удаа үнэгүй газар өмчлөх хуулийг хэрэгжүүлэх зэрэг иргэд аж ахуйг дэмжсэн хуулийн төсвийг дахин боловсруулах шаардлагыг Ерөнхий сайд Л.Оюун-Эрдэнэ-д хүргүүллээ.

Эх сурвалж: www.polit.mn