Б.Алтангэрэл

Татварын мэргэшсэн зөвлөх үйлчилгээний тухай хуульд нэмэлт өөрчлөлт оруулах тухай хуулийн төслийг Хууль тогтоомжийн тухай хууль зөрчин боловсруулсан, УИХ-д өргөн мэдүүлсэн тухай танилцууллаа.

Татварын хөгжил дэвшил холбооноос “Татварын мэргэшсэн зөвлөх үйлчилгээний тухай хууль болон Монгол Улсын Их хуралд 2022 оны тавдугаар сарын 24 нд өргөн мэдүүлсэн. “Татварын мэргэшсэн зөвлөх үйлчилгээний тухай хуульд нэмэлт, өөрчлөлт оруулах тухай” хуулийн төсөл, хамт өргөн мэдүүлсэн материалуудын талаар тусгайлсан ажлын хэсэг томилон судалгаа хийж, танилцуулга бэлтгэн Холбооны гишүүд, дэмжигчид, татвар төлөгчдийн дунд хэд хэдэн удаа хэлэлцүүлэг зохион байгуулж гарсан. Санал дүгнэлтийг нэгтгэн УИХ-ын Төсвийн байнгын хорооны даргаа Г. Тэмүүлэнд 2022 оны арванхоёрдугаар сарын 15 нд хүргүүлсэн. Ажлын хэсгийн судалгаа, хэлэлцүүлгээс гарсан зарим анхаарал татахуйц үндэслэл бүхий санал, дүгнэлтүүдийг иргэдэд танилцуулах нь зүйтэй. Бизнесийн таатай орчин бий болгох хүнд суртал, шат дамжлагыг багасгах, үйл ажиллагааны тусгай зөвшөөрлийг цөөрүүлэх төрийн бодлого, хөгжлийн чиг хандлага болж байхад Тусгай зөвшөөрөлтэй, хүнд сурталтай өндөр өртөгтэй шат дамжлагыг бий болгосон.

Энэ нь татвар төлөгчдийн хууль ёсны эрх ашгийн хангах, эрсдэлээс хамгаалах татварын мэргэшсэн зөвлөх үйлчилгээ бий болгох, хөгжүүлэх, далд эдийн засгийг ил болгох, орон нутгийн төсвийн орлого нэмэгдэх гэх мэт ач холбогдол бүхий томоохон зорилго, зорилтуудын хэмжилтийг гацаасан. Татварын мэргэшсэн зөвлөхүүдийн нийгэмлэг хэмээх нэг төрийн бус байгууллагын хуулиар баталгаажсан орлогын эх үүсвэр нь болжээ. Хууль хэрэгжсэн 10 гаруй жилийн хугацаанд Татварын албаны хяналт шалгалтад 2016-2022 оны есдүгээр сарын байдлаар 27.877 татвар төлөгчийг хамруулснаас 23.249 буюу 83.4 хувь акт тогтоож 34.7 их наяд төгрөгийн нөхөн татвар ногдуулсан байна. Татварын мэргэшсэн зөвлөх үйлчилгээний тухай хууль хэрэгжсэнгүй үйлчилгээ, тогтолцоо бий болсонгүй, татвар төлөгч эрсдэлээс хамгаалагдсангүй” гэв.

Эх сурвалж: www.zms.mn