Т.Баярхүү: Төмөр, цагаан зудтай малчин өрхүүдэд л хүнсний тусламж үзүүлнэ

Нүүр

Улс төр хөшигний ард

Т.Баярхүү: Төмөр, цагаан зудтай малчин өрхүүдэд л хүнсний тусламж үзүүлнэ

2024-03-01

Нийтэлсэн: Админ

1 мин унших

ХУВААЛЦАХ

ЖИРГЭХ

Т.САЙХАН

УОК-ын шуурхай штабаас цаг үеийн нөхцөл байдалтай холбогдуулан мэдээлэл өглөө. УОК-ын нарийн бичгийн дарга, хурандаа Т.Баярхүү "Бид 11 аймгийн 46 суманд ам бүл цөөтэй айлуудын мэдээллийг цуглуулж, албан хаагчдыг ажиллуулахаар томиллоо. Өвөлжилт хүндэрсэн 12 аймгийн онцгой комисс 37.7 мянган өрхөд өвс тэжээлийн хүргэлт хийлээ. Хаагдсан зам давааг гаргаж байгаа. Тэжээлийн улаан будааг дөрвөн аймаг татан авч байна. Засгийн газраас гаргасан шийдвэрийн дагуу хүнсний тусламжийг өнөөдрөөс орон нутаг руу тээвэрлэж байна.

Улс орон даяар аж ахуйн нэгж, иргэд хандив цуглуулж, УОК-т хандивлаж байгаа. УОК-т 1.9 тэрбум төгрөгийн бэлэн мөнгө, 773 орчим сая төгрөгийн бараа материал цугларсан. Үүнийг өнөөдөр хүнсний тусламжтай хамт орон нутаг руу тээвэрлэж байна. Бид сум, баг, аймгийн Засаг дарга нараас мэдээлэл авч, шийдвэрээ гаргаж байна. Төмөр, цагаан зудтай малчин өрхүүдэд л хүнсний тусламж үзүүлнэ" гэв.

ЭМЯ-ны Эмнэлгийн тусламж үйлчилгээний газрын дарга н.Өнөржаргал "Резидент эмч нарыг орон нутагт ажиллуулахаар шийдвэрлэсэн. Орон нутгийн томилолт, цалингийн гурав дахин нэмсэн нэмэгдэл, ирж очих унааны зардал олгож байгаа.

Бид долоон баг бэлтгэн бэлэн байдалд байгаа. Эдгээр баг УОК-оос өгөх чиглэлийн дагуу аймгууд руу явж ажиллана. Бид олон улсын байгууллага, Дэлхийн эрүүл мэндийн байгууллагад хандан, эмийн захиалга өгсөн. Удахгүй эмүүдээ хүлээн авна" гэсэн юм.

Түүнчлэн холбогдох албаныхан шар усны үерээс сэрэмжтэй байхыг анхааруулж байв.

Эх сурвалж:www.polit.mn

С.Оюун: Би Ерөнхийлөгчийн сонгуульд нэр дэвшихгүй

9 мин

Л.Энх-Амгалан: Ипотекийн зээлийн дараалалд орохын тулд 10-20 сая төгрөгийн авлига өгдөг

16 мин

Зээл олгох үйл ажиллагаанд МИК хөндлөнгөөс оролцох боломжгүй

Монголын Ипотекийн Корпораци ОССК” ХХК (МИК) нь орон сууцны хөнгөлөлттэй хүүтэй зээлийн хөтөлбөрт зарим үйл ажиллагааг хэрэгжүүлэх үүрэгтэйгээр оролцож байгаа ба Монголбанкнаас баталсан “Орон сууцны ипотекийн санхүүжилтийн журам”, “Ипотекийн зээлийн үйл ажиллагааны журам”-ын хүрээнд олгосон орон сууцны зээлийг Банкнаас худалдан авч, хөрөнгөөр баталгаажсан үнэт цаас гаргах үйл ажиллагааг гүйцэтгэдэг. “Орон сууцны ипотекийн санхүүжилтийн журам”-ын 4.2-д заасны дагуу Банк нь зээл хүсэгчид олгох орон сууцны ипотекийн зээлийн шийдвэрийг бие даан гаргахаар зохицуулсан байдаг бөгөөд зээл олгох үйл ажиллагаанд МИК хөндлөнгөөс оролцох боломжгүй юм.

1 цаг 39 мин