М.ХҮСЛЭН

Ирэх аравдугаар сард болох Бразилын Ерөнхийлөгчийн сон­гуульд нэр дэвшээд бай­сан Эдуард Кампуш он­гоц­ны олслын улмаас амиа алдсан харамсалтай хэрэг гарсан билээ. Тий­мээс Бразилын Со­циа­лист намын удирдлага хуралдаж Ерөнхийлөгчид нэр дэвших хүнээ дахин тодруулсан байна. Эдуард Кампушийн оронд Байгаль орчны сайд асан Марина Сил­ваг өрсөлдүүлэхээр бол­жээ. 56 настай Ма­ри­на Силва 2010 оны Ерөнхийлөгчийн сон­гуульд нэр дэвшиж сонгогчдын 20 хувийн санал авч байжээ.

Социалист намаас Ерөнхийлөгчийн сон­гуульд нэр дэвшээд байсан Эдуард Кампуш зургаан хүний хамт Сантос хо­тын ойролцоо Cessna 560 XL хэмээх хувийн он­гоц­тойгоо осолдож амиа алдсан. Хэрэг явдалтай холбогдуулан Бразилын төрийн тэргүүн Дилма Русеф орон даяараа гурван өдрийн гашуудал зарлаж, өөрийн сонгуулийн кампанит ажлаа түр зогсоосон байна. Марина Силва Кампуштай хамт Дэд Ерөнхийлөгчийн сонгуульд өрсөлдөхөөр төлөвлөөд байжээ. Тэр бас онгоцонд хамт явах байснаа яг нисэхээс өмнө бодлоо өөрчилж нисэлгүй үлджээ.