Б.Сэргэлэнбаатар: Монгол-Хятадын бизнес эрхлэгчдийн форумын үед багадаа 100 сая ам.долларын хөрөнгө оруулалтыг хийнэ гэсэн хүлээлттэй байна

2023-03-14
Нийтэлсэн: Админ
 6 мин унших

С.САРНАЙ

Монголын залуучуудын холбоо шинэ бүтэц бүрэлдэхүүнээр ажиллаад 8 сар болж байна. Тэд монголын залуусын нийгэм, эдийн засгийн асуудлыг шийдвэрлэх олон төсөл хөтөлбөр санаачилж, хэрэгжүүлж байгаа бөгөөд үүний нэг илрэл нь Монгол – Хятадын бизнес эрхлэгчдийн форумыг энэ сарын 16 -18 -ний өдрүүдэд Шангри-ла зочид буудалд зохион байгуулах гэж байна. Энэ талаар Монголын залуучуудын холбооны ерөнхийлөгч Б.Сэргэлэнбаатартай ярилцлаа.

-Монголын залуучуудын холбоо санаачилж, Монгол – Хятадын бизнес эрхлэгчдийн форумыг зохион байгуулах гэж байна. Энэ талаар манай уншигчдад дэлгэрэнгүй мэдээллийг өгнө үү?

-Монголын залуучуудын холбоо олон төсөл хөтөлбөрийг санаачлан хэрэгжүүлж байгаагийн зэрэгцээ гадаад харилцаа, хамтын ажиллагаагаа идэвхжүүлэх чиглэлд маш их анхаарч байна. 2019 оноос хойш Covid-19 цар тахал, ОХУ- Украины дайнтай холбоотойгоор Монгол Улсын эдийн засаг тодорхой хэмжээнд хүнд байдалд орж, олон үйлдвэр газар хаагдаж, залуучууд ажлын байргүй болсны улмаас харь орон руу ажил хийхээр явцгааж байна. Энэ асуудлыг Монголын залуучуудын холбоо тодорхой хэмжээнд шийдвэрлэх үүднээс бид БНХАУ-ын залуучуудын холбоотой холбоо тогтоож, хөрөнгө оруулалтын уулзалтыг хийж, залуу бизнес эрхлэгчдээ дэмжихийг зорьж байна. Монгол – Хятадын бизнес эрхлэгчдийн форум энэ сарын 16 – 18-ний өдрүүдэд Шангри-ла зочид буудлын Ballroom-д зохион байгуулагдах бөгөөд БНХАУ-ын 200 бизнес эрхлэгч анх удаа өргөн бүрэлдэхүүнтэйгээр Монгол Улсад хүрэлцэн ирж, хөрөнгө оруулалт хийхээр төлөвлөж байна. Энэхүү форумын зохион байгуулалт дээр Монгол болон Хятадын талаас ажлын хэсэг гарч, аль аль талдаа ажиллаж эхлээд байна.

-Монгол Улсад хөрөнгө оруулалтын уулзалтууд маш их зохион байгуулагддаг. Харамсалтай нь, үр дүн нь төдийлөн анзаарагддаггүй. Тиймээс энэ удаагийн уулзалтыг та бүхэн үр дүнтэй байлгах тал дээр хэрхэн анхаарч байна вэ?

-Монгол Улсыг зорин ирж буй хөрөнгө оруулагчид ямар нэгэн судалгаа хийх гэж эсвэл аялал жуулчлалын байдлаар ирээд явдаг. Тиймээс ийм байдал үүсгэхгүйгээр яг хөрөнгө оруулъя гэсэн салбартаа хөрөнгө оруулах шаардлагатай тавьж буй. БНХАУ-ын талаас 700 гаруй компаниуд дундаас өр төлбөрийн тооцоо байхгүй, хууль хяналтын байгууллага дээр асуудалгүй, хөрөнгө оруулалт өмнө нь хийж байсан туршлагатай байх зэрэг шалгуур үзүүлэлтийг харгалзан, сонгон шалгаруулалт хийж, шилдэг 200 хөрөнгө оруулагчийг энэ удаад илгээхээр төлөвлөж байна. Эдгээр компаниуд тус бүр хамгийн багадаа нэг буюу түүнээс дээш сая ам.долларын хөрөнгө оруулалт хийнэ. Түүнчлэн бид Монгол Улсын эдийн засгийг солонгоруулах үүднээс барилга, хөдөө аж ахуй, байгаль орчин – сэргээгдэх эрчим хүч, банк санхүү, уул уурхай гэсэн чиглэлд хөрөнгө оруулагч нарыг авчрах хүсэлтийг БНХАУ-ын талд тавьсан. Энэ хүсэлтийг БНХАУ-ын тал хүлээн авч, энэ чиглэлийн бизнес эрхлэгчид Монгол Улсад ирэх гэж байна.

-БНХАУ-ын зүгээс өндөр дүнтэй хөрөнгө оруулалт хийхээр төлөвлөн, Монгол Улсыг зорин ирэх гэж байна. Тэдний зүгээс Монголын бизнес эрхлэгчдэд ямар нэгэн шаардлага тавьж байгаа юу?

-Тийм ээ. Юуны түрүүнд хөрөнгө оруулалт авахаар сонирхож буй бизнес эрхлэгчид маань төслөө маш тодорхой бичсэн байх шаардлагатай. Тухайн төсөл хөрөнгө оруулагч нарт таалагдвал хоёр талыг хооронд нь уулзуулах, яриа хэлэлцээний дараа, дараагийн шатанд ороод явах юм. Монголын бизнес эрхлэгчдийн төсөл уул уурхай, барилга, хөдөө аж ахуй, байгаль орчин – сэргээгдэх эрчим хүч, банк санхүүгийн салбарт хэрэгжүүлэх төслүүд байх шаардлагатай.

-Нөгөө талаасаа хөрөнгө оруулагч нарт ямар баталгаа гаргаж өгч байна вэ?

-Хэдхэн жилийн өмнө Монгол Улс хөрөнгө оруулахад хамгийн таагүй улсаар нэрлэгдэж, хөрөнгө оруулагчид “зугтсан” гэж хэлж болно. Төр засгийн зүгээс энэ нөхцөл байдалд дүн шинжилгээ хийж, өнгөрсөн жил хөрөнгө оруулагч нарыг хамгаалах тухай хуулийг баталсан. Үүнээс хойш Монгол Улс  Ази тивдээ хөрөнгө оруулахад таатай улсаар нэрлэгдлээ. Монголын залуучуудын холбооноос Монгол – Хятадын бизнес эрхлэгчдийн форумыг санаачлаад ажил хэрэг болгоод явж байна. Үүнтэй холбоотойгоор Сингапураас ирэх жил хөрөнгө оруулалтыг форумын хамтран зохион байгуулах саналыг бидэнд тавиад эхэлсэн. Нэг талдаа хөрөнгө оруулагч нар хохирохгүй, нөгөө талдаа Монгол Улсад үйлдвэрлэл, үйлчилгээ,  ажлын байр бий болох, харилцан ашигтай хамтын ажиллагаа өрнүүлэх хууль эрхзүйн орчин нь бүрдсэн гэж ойлгож болно.

-БНХАУ -ын хөрөнгө оруулагчид хамгийн багадаа 1 сая ам.долларын хөрөнгө оруулалт хийнэ гэж та хэлсэн. Тэгэхээр форумын гурван өдөрт багтаан хөрөнгө оруулалтыг гэрээ хийгдэнэ гэж ойлгож болох уу?

-Тэгж ойлгож болохгүй. Арга хэмжээ гурван өдрийн туршид зохион байгуулагдана. Энэ үеэр Хятадын хөрөнгө оруулагч нарын мэдээлэл болон Монголын бизнес эрхлэгчдийн төслийн танилцуулга хэвлэл мэдээллийн хэрэгсэл болон Шангри-ла зочид буудлын Ballroom-ийн тайзны дэлгэц дээр танилцуулагдах юм. Түүнчлэн хоёр талд бид хэвлэмэл байдлаар гарын авлага болгон тараана. Хөрөнгө оруулагч болон хөрөнгө оруулалт горилогч хоёр тал маань тэрхүү танилцуулгатай танилцаж, таалагдсан төсөлтэйгөө холбоо тогтоож, яриа хэлэлцээ хийх боломжийг нь бид бүрдүүлнэ. Ингээд хоёр тал ойлголцолд хүрвэл харилцан ойлголцлын санамж бичгийг форумын үеэр байгуулагдана. Үүний дараагаар хөрөнгө оруулагч тал төслийн газар дээр танилцах, нарийвчилсан судалгаа хийх зэргээр хөрөнгө оруулалтын гэрээ хийхэд шаардлагатай яриа хэлэлцээ, үе шатыг нь бид зохион байгуулж, хооронд нь холбоод явах юм. Үүнтэй холбоотой, Монголын залуучуудын холбоо дээр хоёр хуулийн фирм зөвлөгөө өгч ажиллаж байна.

-БНХАУ-ын хөрөнгө оруулалтыг сонирхож буй байгууллагууд энэ форумд хэрхэн оролцох вэ?

-Монгол – Хятадын бизнес эрхлэгчдийн форумд оролцох сонирхолтой бизнес эрхлэгчид sustainable investment summit  гэсэн фейсбүүк хуудас болон Монголын залуучуудын холбооны фейсбүүк хуудсанд тавигдсан мэдээллийн дагуу бүртгүүлэн оролцоно. Дэлгэрэнгүй мэдээллийг 7747-1313 дугаарт холбогдон авах боломжтой.

-Монгол – Хятадын бизнес эрхлэгчдийн форумаас ямар хүлээлттэй байна вэ?

-Энэ форумын үеэр бид хамгийн багадаа 100 сая ам.долларын хөрөнгө оруулалтын тохиролцоо хийгдээсэй гэсэн хүлээлттэй байна.

-Монголын залуучуудын холбоо шинэ бүтэц бүрэлдэхүүнтэй болоод 8 сар болж байна. Монгол – Хятадын бизнес эрхлэгчдийн форумаас гадна залуучууд руу чиглэсэн ямар ажлуудыг хийхээр төлөвлөж байна вэ?

-Монголын залуучуудын холбооны ээлжит болон ээлжит бус хурал зохион байгуулагдаж, шинэ бүтэц бүрэлдэхүүнтэй болоод 8 сар болж байна. Энэ хугацаанд бид Монголын залуучуудын холбоотой зарим нэг асуудлыг 100 хувь цэгцэлсэн. Энэ байгууллага 102 жилийн түүхтэй, олон залуусын түүчээ болсон байгууллага. Иймээс залуучуудын нийгэм, эдийн засгийн асуудалд дуу хоолойгоо өргөх ёстой байгууллага гэж миний хувьд харж байна. Талбай дээр гараад жагсахаас илүүтэй бодит ажлыг хэрэгжүүлж, залуусын бизнес эрхлэлт, орлогыг нэмэгдүүлэх, тэдний нийгмийн асуудлыг шийдвэрлэх тал дээр манлайлан ажиллаж байна. Түүнчлэн бид жендерийн тэгш бус байдалд анхаарлаа хандуулж байна. Миний бие ажлаа авахад энэ байгууллага 7 удирдах зөвлөлийн гишүүнтэй нэг ерөнхийлөгчтэй байсан. Одоо бол 33 удирдах зөвлөлийн гишүүнтэй болсон төдийгүй 30 буюу түүнээс дээш хувийг нь эмэгтэйчүүд эзэлж байна. Түүнчлэн холбооныхоо дэргэд эмэгтэйчүүдийн байгууллагын бий болгож, Туушид зочид буудалд 500 орчим эмэгтэйчүүд чуулж, 2023 оны төсөв, төлөвлөгөөгөө баталлаа. Бид жендерийн тэгш оролцоог хангаж, илүү мэдрэмжтэйгээр, ухаалгаар тус байгууллагыг удирдана.

Эх сурвалж: “Зууны мэдээ” сонин

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

9 цаг 20 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

9 цаг 47 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

9 цаг 50 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

9 цаг 53 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

9 цаг 57 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

10 цаг 14 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

16 цаг 22 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

16 цаг 27 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

16 цаг 33 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

16 цаг 43 мин