Төмөрбаатарын Батсайхан 

УИХ-ын чуулганы нэгдсэн хуралдаанаар УИХ-ын Ерөнхий нарийн бичгийн дарга Б.Баасандоржийг чөлөөлж, Л.Өлзийсайханыг түүний оронд томилох тухай асуудлыг хэлэлцэн дэмжлээ.  Н.Учрал УИХ-ын даргын үүрэгт ажлыг хүлээн авснаар Үндсэн хуулийн цэцийн гишүүн Л.Өлзийсайханд УИХ-ын ерөнхий нарийн бичгийн даргаар ирж ажиллах санал тавьж, түүнийг Үндсэн хуулийн цэцийн гишүүнээс чөлөөлсөн юм. Улмаар чуулганаар энэ асуудлыг хэлэлцэн Л.Өлзийсайханыг томиллоо.  Хэлэлцүүлгийн үеэр УИХ-ын гишүүд Л.Өлзийсайханд хандаж юу хэлсэн талаар тоймлон хүргэж байна. 

УИХ-ын гишүүн С.Эрдэнэболд:
-Гавьяат хуульч, доктор Л.Өлзийсайхан бол салбартаа танигдсан, чанагдсан, өндөр нэр хүндтэй хүн. Тэр тусмаа парламентат ёсны тухай онол, практикийн асар өндөр туршлагатай эмэгтэй. Хуульчдын дунд олон жилийн хөдөлмөрөөрөө яваа эмэгтэй. Монгол Улсын ҮХЦ-ийн гишүүн зургаан жилээр томилогддог. Тэгээд гуравны нэгтэй тэнцэх хугацаанд явж байгаад өөр албан тушаалд шилжих нь зохисгүй юм. Тэр тусмаа Үндсэн хуулийг хамгаалах, дархлаажуулах албыг хашиж байгаа хүн тодорхой шалтгааны улмаас ажил үүргээ солих нь сайн жишиг биш.  УИХ-ын дарга бас Л.Өлзийсайхан дарга байж байж энэ парламент Үндсэн хуулийн зөрчилгүй хууль гаргана гэж байна.  Энэ бас зөв логик биш. 
 

УИХ-ын гишүүн Ө.Шижир: 
-Сүүлийн үед бүх томилгоог намаас, улс төрийн байдлаар явж байна. Хуульч Л.Өлзийсайхан бол амьдралдаа улс төрийн ажил хийж үзээгүй, албан тушаал хашиж байгаагүй. Төрийн албаныхаа мерит зарчмаар амжилттай ажилласан хүн. Энэ хүн УИХ-ын Тамгын газрын дарга гэдэг бол УИХ-ын даргын ажлын алба биш гэдгийг онцолъё. Байнгын хороо, парламент гээд олон чиг үүргийг уялдуулж ажилладаг бүтэц. Аль нэг талд битгий гараарай. Сонгууль дөхөөд улстөржилт ихсэх байлгүй. Хэн нэгнийх нь талд гарч болохгүй шүү.  Дэлгэрэнгүйг: ЭНД дарж 2025.12.1 № 225 (7722) дугаарыг захиалан уншина уу.

Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.
Үнэн мэдээллийг хамтдаа хамгаалцгаая.

Бие даасан сэтгүүл зүйг дэмжээрэй.

Таны итгэл, дэмжлэг биднийг хараат бус байлгадаг.