Төв Азийн Киргиз улсад арваннэгдүгээр сарын 30-ны өглөөний 8:00 цагт парламентын ээлжит бус сонгуулийн санал авах байрууд нээгдсэн талаар орон нутгийн хэвлэлүүд мэдээлжээ.

Санал хураалтыг мажоритар системээр явуулдаг ба 90 суудлын төлөө нийт 460 нэр дэвшигч өрсөлдөж байна.

Бүх санал авах байрыг цахим саналын хайрцгаар тоноглосон талаар өмнө нь мэдээлж байсан. Саналын хуудсыг гараар тоолсны дараа албан ёсны дүнг гаргана. Сонгуулийн дүнг арванхоёрдугаар сарын 15 гэхэд зарлах төлөвтэй байгаа гэж ТАСС агентлаг мэдээлжээ.

Сонгуульд ирцийн босго байхгүй.

Энэ оны есдүгээр сарын сүүлчээр Киргизийн Жогорку Кенеш (парламент) парламент болон Ерөнхийлөгчийн сонгууль ойртож байгаа тул хугацаанаас нь өмнө тарах шийдвэр гаргасан. Тус улсын парламентын ээлжит сонгуулийг 2026 оны есдүгээр сард, Ерөнхийлөгчийн сонгуулийг 2027 оны нэгдүгээр сард хийхээр товлосон.

Энэ оны эхээр Киргизийн ерөнхийлөгч Садыр Жапаров ерөнхийлөгчийн сонгуулийг 2027 оны нэгдүгээр сарын 24-нд хийхээр товыг тогтоосон байна.

Эх сурвалж: www.polit.mn