Э.ӨНӨР

Хятадын “Баожун” компани Орост хүнсний ногоо, жимс жимсгэнийг шууд экспортлох талбай нээж байгаа аж. Хятад-Оросын хил дамнасан электрон арилжааны төсөл болох “Баожун” компанийн гаалийн хяналтын бүс байгуулах төслийг эхлүүлэх ёслол удахгүй болох юм. Энэ нь Орост хүнсний ногоо, жимс жимсгэнэ экспортлох шууд замыг Дунниний хилийн шалган нэвтрүүлэх боомтод ашиглалтад оруулах юм байна. Энэ ажлыг Хятадын засгийн газраас бодлогоор дэмжиж байгаа бөгөөд Европын холбооны улсуудын Оросын зах зээлд алдсан байр суурийг авах зорилгоор хүнсний бүтээгдэхүүнийг ОХУ-т экспортлох томоохон төслийг Хятадын засгийн газар хэрэгжүүлж эхлэхээр тусгай комисс байгуулан ажиллаж эхэлжээ.  “Баожун”-ы бүс нь Оросын Алс Дорнодод хүнсний ногоо, жимс жимсгэнэ экспортлох логистикийн төвийг ачаа цуглуулж, хуваарилах, үнэ бүрдүүлэхээр байгуулах аж.