Т.САЙХАН

Баярын өдрүүдэд хилийн боомтуудын ажиллах хуваарийг Хил хамгаалах байгууллагаас гаргажээ. Агаарын замын боомт "Чингис хаан" олон улсын нислэгийн хуваарийн дагуу хэвийн ажиллана. Харин Монгол-Оросын хилийн боомтуудын тухайд:

• Алтанбулаг- 24 цагаар
• Сүхбаатар, Эрээнцавын төмөр зам- олон улсын галт тэрэгний хуваарийн дагуу
• Эрээнцавын авто зам- цагийн хуваарийн дагуу

Цагааннуур, Боршоо, Тэс, Арцсуурь, Ханх, Ульханы автозамын боомтуудыг "Хилийн боомт болон Монгол-Оросын хилийг хялбарчилсан журмаар нэвтрэх тухай Монгол улсын Засгийн газар, Оросын Засгийн газар хооронд байгуулсан хэлэлцээр"-ийн дагуу хоёр талын нийтээр тэмдэглэх баяр, амралтын өдрүүдэд хилийн боомтыг түр хаах асуудлыг талуудын Хилийн бүрэн эрхт төлөөлөгчид харилцан тохиролцсноор 2022 оны арванхоёрдугаар сарын 31-нээс 2023 оны нэгдүгээр сарын 8-ныг  хүртэл хаажээ.

Замын-Үүд, Баянхошуу, Бичигт, Ханги, Гашуунсухайт Шивээхүрэн, Бургастай, Булган, Байтагийн автозамын боомт болон Замын-Үүдийн төмөр зам нэгдүгээр сарын 1-нд амарч 2-ноос хэвийн ажиллана.

Эх сурвалж:www.polit.mn