Т.САЙХАН

Бразилийн домогт хөлбөмбөгч Пеле 82 насандаа таалал төгслөө.

Пелегийн тоглодог байсан Сантос клуб түүний оршуулах ёслолын талаар дэлгэрэнгүй мэдээлэл хийлээ. Нэгдүгээр сарын 2-ны даваа гарагийн өглөө түүний цогцсыг эмнэлгээс Урбано Калдейра цэнгэлдэх хүрээлэнд шилжүүлж, олон нийт салах ёс гүйцэтгэх аж. Харин мягмар гарагт Сан Пауло хотын Сантос хотын гудамжаар оршуулгын цуваа явах юм.

Пеле нэрээрээ алдаршсан Эдсон Арантес до Насименто 17 настайдаа 1958 онд Шведэд болсон ДАШТ-д Бразилийн шигшээг түрүүлэхэд гол үүрэг гүйцэтгэж дэлхийн хэмжээний од болсон юм. Тэрээр 21 жилийн замналдаа 1363 тоглолтод оролцож 1281 гоол, тэр дундаа шигшээ багийнхаа төлөө 92 тоглолтод 77 гоол оруулсан амжилтаараа дэлхийн дээд амжилтыг тогтоосон.

1958, 1962, 1970 оны буюу гурван удаагийн ДАШТ-д түрүүлсэн цорын ганц тоглогчийн хувиар Пеле 2000 онд ФИФА-гийн Зууны шилдэг тоглогчоор тодорч байсан юм.

Эх сурвалж:www.polit.mn М.Өнөр