Г.Гангамаа: Эмэгтэйчүүдтэйгээ ажиллах бодлого барьж байна

2022-12-28
Нийтэлсэн: Админ
 2 мин унших

Р.Оюун

 

“Зууны мэдээ” сонин “Эмэгтэйчүүдийн манлайлал” буланг нээж, шийдвэр гаргах түвшин дэх эмэгтэйчүүдийн оролцоог нэмэгдүүлэхээр нийтлэлийн бодлого тодорхойлон ажиллаж байна. Энэ удаа Өмнөговь аймгийн Гурвантэс сумын Засаг дарга, аймаг, сумын ИТХ-ын төлөөлөгч Г.Гангамаатай ярилцлаа.

 

-Танай аймагт шийдвэр гаргах түвшинд эмэгтэйчүүдийн оролцоо ямар байна вэ?


-Миний хувьд аймгийн ИТХ-ын төлөөлөгч. ИТХ-ын төлөөлөгчөөр хоёр удаа сонгогдон ажиллаж байна. Манай аймаг 33 төлөөлөгчтэй. Үүний дөрөв нь эмэгтэй байх жишээтэй. Нийт төлөөлөгчдийн 12 хувь нь эмэгтэй байна. ИТХ-ын төлөөлөгчөөс гадна аймгийн удирдах түвшинд харахад хэлтсүүдийн даргаар эмэгтэй хүн ажиллаж байгаа ч ихэнх нь эрэгтэй байдаг. Манай аймаг эрэгтэй, эмэгтэй гэсэн хоёр орлогч даргатай байсан. Аймгийн дарга нарыг нэг орлогчтой байх ёстой гэсэн шийдвэр гарснаар эмэгтэй орлогчтой болсон. Миний хувьд аймгийн түвшинд бус сумын түвшинд ажилладаг. Манай аймаг 15 сумтай. Сумдын Засаг дарга нараас эмэгтэй Засаг дарга хоёр бий. Эмэгтэйчүүд бидний хийж бүтээх, зорьж байгаа зүйл их ч тэр бүр нээлттэй явах нь ховор байдаг. Эрэгтэй, эмэгтэй хүн нийгэмд ялгаатай харагддаг. Ялангуяа, эмэгтэйчүүдийн хувьд би ийм юм хийсэн гээд олон хүний өмнө гарч хэлэх амбиц байхгүй. Харин ч өмнөх ажлаа хийхийг зорьдог. 


-Танай аймагт эмэгтэйчүүдээ хэр дэмжиж ажилладаг вэ?


-Эмэгтэй хүнийг дэмжихгүй гэсэн үзэл гаргахгүй ч гэсэн дардаг. Олуулаа хэлэлцэж шийдвэр гаргахад ихэнх нь эрчүүд байдаг болохоор тэдний шийдвэрийг дэмжих шаардлага гардаг. Би өөрөө сумын Засаг дарга, эмэгтэй хүн болохоор эмэгтэйчүүдээ сонсож ажилладаг. Манай суманд төрийн найман байгууллагын удирдлага 50х50, сумын ИТХ-ын төлөөлөгч 27 байхад 10 нь эмэгтэй байна. Монгол хүний хэвшмэл ойлголтоос болж удирдах ажлыг эрэгтэй хүн хийх ёстой гэсэн ойлголт одоо ч хэвээр байна. Гэтэл одоогийн нийгэм эрэгтэй, эмэгтэй адилхан байх ёстой гэсэнтэй нийцэхгүй байгаа.  


-Ирэх жил эмэгтэйчүүдээ яаж дэмжиж ажиллах вэ?


-Сум орон нутгийн удирдлагын хувьд өнөөгийн цаг үед хувь хүнтэй, айл өрхтэйгөө анхан шатнаас нь ажиллах цаг болсон гэж харж байна. Эмэгтэйчүүд гэрээ, хүүхдээ авч явж байна. Тиймээс эмэгтэйчүүдтэйгээ ажиллах бодлогыг барьж байна. Тухайлбал, эмэгтэй хүн гэртээ зүгээр суудаггүй. Суманд амьдарч байгаа эмэгтэйчүүд оёдол хийж өрхийн орлогоо нэмэгдүүлж байгаа. Энэ хүмүүсийг нэгтгэж оёдлын үйлдвэр байгуулах зорилготой ажиллаж байна. Тэрбум мод хөтөлбөрийн хүрээнд жимсний мод тарих сонирхол их байна. Говьд мод байдаггүй учраас амар биш. Ийм сонирхолтой хүмүүсээ явуулж юм үзүүлэх, туршлага судлуулах ажлыг хийхээр төлөвлөөд байна. Эмэгтэй хүн мэргэжил шаардахгүй ажил хийхэд хүндрэлтэй байдаг. Тиймээс  боловсрол эзэмшиж, эзэмшсэн боловсролоороо ажиллахад нь тусалж дэмждэг.   

 

Эх сурвалж: "Зууны мэдээ" сонин

2022 ОНЫ АРВАНХОЁРДУГААР САРЫН 28. ЛХАГВА ГАРАГ. № 252, 253 (6984, 6985)

зүмбэ
энэ авгай мөнгө идэх арга л хайна.гурвантэсийхэн залхаж байна. их мөнгө идэж байгаа. зүгээр л нэг цэцэрлэгийн багш хийж байсан хүн. одоо түүнийг нь хэлвэл шүүхдэнэ гэх юм бгаа биз.ажил хийнэ гэж бхгүй.харин ам бөөгий хоёроороо бол хийнэ шүү. хил дээр байгаа нүүрсний компани цаас оруулсан мөнгийг шалгаж өгөөч мөнч их хэлэх юмдаа
Н.Алтанхуяг: Цэцийн хууль морин дэл дээгүүр явчихвий

Н.Алтанхуяг: Цэцийн хууль морин дэл дээгүүр явчихвий

1 цаг 39 мин
Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

3 цаг 11 мин
Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

5 цаг 44 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

5 цаг 54 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

5 цаг 59 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

5 цаг 59 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

20 цаг 56 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

21 цаг 23 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

21 цаг 26 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

21 цаг 29 мин