Т.САЙХАН

“Автотээврийн хэрэгслийн бүртгэл хөтлөх, улсын дугаар олгох журам”-ын хүрээнд тээврийн хэрэгслийн улсын бүртгэлийн дугааруудыг худалдах нээлттэй цахим дуудлага худалдааг зарлажээ.  Дуудлага худалдаа 2023 оны нэгдүгээр сарын 10-наас хоёрдугаар сарын 02-ны өдрийн хооронд https://auction.transdep.mn/ сайтаар явагдах ажээ. Мөн дуудлага худалдаанд оролцохын тулд дэнчин тавих шаардлагатай юм. 

Дуудлага худалдаанд тавих дэнчингийн хэмжээ:

*000А, АААА дугаар 2,000,000 /хоёр сая төгрөг/;

*00А0, 0ААА, А000, 00АА, 0А00 дугаар 500,000 / таван зуун мянган төгрөг/;

*00АВ, АВАВ, АВВА, ААВВ, ААА0, АААВ болон бусад 20 дугаар, орон нутгийн дугаар 100,000 / нэг зуун мянган / төгрөг байна.

Дуудлага худалдаанд оролцогчдыг тухайн оролцож буй дуудлага худалдаа явагдахаас гурван хоногийн өмнөөс эхлэн цахимаар бүртгэн дэнчинг хүлээн авах бөгөөд дуудлага худалдаа явагдах өдрийн өмнөх өдөрт 23 цаг 00 минутад бүртгэл хаагдана. Хугацаа хоцорсон хүсэлтийг хүлээн авах боломжгүй аж.

Худалдан авах гэрээний нөхцөл нь хамгийн өндөр үнэ өгсөн оролцогч нь тухайн дуудлага худалдааны ялагч болох бөгөөд худалдан авсан улсын дугаарын үнийг 24 цагийн дотор төлж, “Улсын бүртгэлийн дугаар олгох гэрээ” байгуулснаар баталгаажна. Ялагч нь хэрвээ заасан хугацаанд төлбөрөө төлөөгүй тохиолдолд дэнчингийн төлбөр буцаан олгогдохгүй. Төлбөрөө бүрэн төлснөөс хойш ажлын 5 өдөрт багтааж, өөрийн өмчлөлийн тээврийн хэрэгсэлд дугаараа байршуулах үүрэгтэй юм байна.

Эх сурвалж:www.polit.mn