Т.САЙХАН

ЗГХЭГ-ын дарга Д.Амарбаясгалан мэдээлэл хийж байна.  Тэрбээр, “Эрдэнэс Монгол” компани байгуулагдаад 15 жил болсон ч үйл ажиллагаагаа бүрэн дүүрэн явуулж чадаагүй гэсэн дүгнэлтийг Засгийн газар хийсэн. Монголд үйл ажиллагаа явуулж байгаа төрийн өмчит компаниуд дотор энэ компани хөгжлийн бодлогыг хэрэгжүүлэх томоохон аж ахуйн нэгж юм.
Энэ компани 89 орон тоотой, долоон хэлтэстэй үйл ажиллагаа явуулахаар Засгийн газраас үүрэг чиглэл өгсөн. Гүйцэтгэх захирлаас бусад 88 орон тоон дээр нээлттэй сонгон шалгаруулалт хийхээр зарлаж байна. Ахлах менежер буюу өнөөгийнхөөр газрын дарга гэсэн статусыг авч хаяж байна. Долоон газрыг долоон ахлах менежер удирдана. 

Одоо ажиллаж байгаа ажлын байр нь байхгүй болсон хүмүүст ажлаас чөлөөлөгдөх мэдэгдэл хүргүүлнэ. Ажлын байр нь үлдэж байгаа хүмүүс нээлттэй сонгон шалгаруулалтад орж, тэнцвэл үргэлжлүүлэн ажиллах боломжтой.

Ажлын байрны шаардлага бий болсон. Нэгдүгээр  сарын 2-16-нд сонгон шалгаруулалтын бүртгэл явуулна. 20-нд тестийн шалгалт авна.  Хоёрдугаар сарын 1-нээс багаа бүрдүүлэн шинэ менежментээр үйл ажиллагаа явуулна гэлээ. 

Ажлын байрны шаардлага:

• Бакалавр ба түүнээс дээш зэрэгтэй
• Нэг ба түүнээс дээш гадаад хэлтэй  
• Ахлах менежер улсад 8-аас дээш жил ажилласан байх
• Менежер нь улсад 5-аас дээш жил ажилласан байх
• Хууль эрхзүй, хөгжлийн бодлого төлөвлөлтийн асуудлаар тестийн шалгалт авна. Шалгалтыг ТАЗ-ийн шалгалтын системд үндэслэн явуулах юм байна. 

Эх сурвалж:www.polit.mn