Т.САЙХАН

 АН-ын дарга С.Эрдэнэ өнөөдөр мэдээлэл хийлээ.  Тэрбээр  "Манай нам нүүрсний хулгайтай холбоотой нийгэмд үүсээд байгаа нөхцөл байдлыг анхааралтай ажиллаж, холбогдох мэдээллийг цуглуулж, анализ дүгнэлт хийж байна.  Тодруулбал, нэгдүгээрт нүүрсний хулгайтай холбоотой гэмт хэрэгт холбогдсон төрийн өндөр албан тушаалтнуудыг нам харгалзахгүйгээр шударгаар шалгаж, гэм бурууг нь тогтоон хуулийн хариуцлага хүлээлгэх, улсад учирсан хохирлыг яаралтай нөхөн төлүүлэхийг эрх баригчид, хууль хяналтын байгууллагуудаас албан ёсоор шаардаж байна. Мөн эрх баригчдын зүгээс хууль бус үйл ажиллагаа хэрээс хэтэрч, иргэдийг бухимдуулж байна. УИХ-ын дарга Д.Занданшатар тэргүүтэй эрх баригчид АН-ын гишүүд болон тус намыг дэмжигч иргэдийн ашиг сонирхлыг зөрчин намын дотоод асуудалд хувийн болон улс төрийн ашиг сонирхлоор хандаж, Үндсэн хууль наймаалцах замаар Монгол Улсын УИХ-ын тухай хуулийн 31 зүйлд хүчээр нэмэлт өөрчлөлт оруулан УИХ дахь Ардчилсан Намын бүлгийн даргыг хуйвалдааны аргаар өөрчлөх оролдлогыг хийж ирсэн. Иймд дээрх хуулийн 31 зүйлийн 12 дахь заалт нь Үндсэн хуулийг зөрчсөн эсэхийг тогтоолгохоор Үндсэн хуулийн цэцэд мэдээлэл гаргаад, хэрэг үүсгээд явж байна" гэв. 

Эх сурвалж:www.polit.mn