Т.САЙХАН

Нүүрсний хулгайн хэрэгт нэр холбогдоод буй УИХ-ын гишүүн А.Адъяасүрэн мэдээлэл хийлээ.  Тэрбээр  “Сөрөг хүчин рүүгээ дайрдаг байдлаа эрх баригчид болих хэрэгтэй. Би 40 мянган жолооч,  2000 мэргэжилтнийг  ажлын байраар хангасан. Би ажил олгогч эмэгтэй. Эрх баригчид хулгай, луйвраа нуухын тулд сөрөг хүчин рүүгээ дайрч байна. Ичсэн хүн хүн ална гэгчээр тээврийн компани, бизнес эрхлэгчид рүү, жолоочид руу дайрч эхэллээ. Сүүлийн зургаан жил хэн засаг, тамга барьсан юм. Яагаад бид энэ жагсаалыг зохион байгуулна гэж. Өнөөдрийн байдлаар намайг хууль, хяналтын байгууллагаас шалгаагүй байна. Би шалгуулахад бэлэн.  Улс төрд орсон цагаас хойш намайг маш их хэмжээний гүтгэлэг дагасан. Энэ бүхнийг би улстөрч хүний хувьд, УИХ-ын гишүүний хувьд сонгосон зам хэмээн өдийг хүртэл чимээгүй явсан. Би хулгай, луйвар хийсэндээ чимээгүй явсан юм биш. Үнэн мөнийг дэнслэх ёстой. Цаг хугацаа бүгдийг шүүдэг. Би ямар ч хэвлэлтэй хаалттай гэрээ хийгээгүй” гэв. 

Эх сурвалж:www.polit.mn