Ипотекийн хүү болон урьдчилгааг бууруулах асуудлыг маргааш Засгийн газарт танилцуулна

Нүүр

Геополитик

Ипотекийн хүү болон урьдчилгааг бууруулах асуудлыг маргааш Засгийн газарт танилцуулна

2022-12-13

Нийтэлсэн: Админ

1 мин

ХУВААЛЦАХ

ЖИРГЭХ

С.САРУУЛ

Орон сууцны хөнгөлттэй зээлийн хүү болон урьдчилгаа төлбөрийг бууруулах асуудлыг маргааш /2022.12.14/-ийн Засгийн газрын хуралдаанаар оруулахаар болжээ.

Зээлийн хөтөлбөрийн хүрээнд 2013-2020 онд нийт 65 мянга орчим иргэнд ипотекийн зээлийг жилийн найман хувьтайгаар олгосон байдаг. Тус иргэдийн зээлийг зургаан хувь руу шилжүүлэх асуудлаар ажлын хэсэг байгуулсан. Тус ажлын хэсгийн дүгнэлтээр найман хувийн зээлтэй иргэдийн зээлийн хүүг зургаан хувь болгох, мөн шинээр зээл авах иргэдэд урьчилгаа төлбөрийг 20 хувь болгох боломжтой гэсэн дүгнэлт гарчээ. Иймд тус асуудлыг Засгийн газарт танилцуулахаар тогтлоо.

Түүнчлэн 2019 онд Дэлхийн банкнаас Ипотекийн зээлийг Монгол банк санхүүжүүлэх боломжгүй гэдгийг сануулж, тус зээлийн санхүүжилтийг шилжүүлэх саналыг гаргаад байсан. Үүний хүрээнд Монгол банкнаас гаргаж байсан ипотекийн зээлийн эх үүсвэрийг цаашид хаанаас гаргаж, хэрхэн үргэлжлүүлэхийг Сангийн яам, Барилга, хот байгуулалтын яамныхан яаралтай шийдвэрлэж, Засгийн газрын хуралдаанд оруулахаар болжээ.

Эх сурвалж: www.polit.mn