Шатахуун нь дуусч машиндаа осгосон найман хүнийг аварчээ

Нүүр

Геополитик

Шатахуун нь дуусч машиндаа осгосон найман хүнийг аварчээ

2022-12-13

Нийтэлсэн: Админ

1 мин

ХУВААЛЦАХ

ЖИРГЭХ

С.САРУУЛ

Онцгой байдлын байгууллагад өчигдөр орой иргэд машинтайгаа цасанд суусан тухай зургаан дуудлага ирсэн байна.Тухайлбал, Багануур дүүргийн хоёрдугаар хороо, Нарийний ам хэмээх газарт Портер болон Приус 30 маркийн автомашин цасанд сууж, шатахуун нь дууссан бөгөөд нялх хүүхэдтэй явж байжээ.

Дүүргийн Онцгой байдлын хэлтсийн бүрэлдэхүүн эдгээр машинд 22-48 насны гурван том хүн, 0-13 насны таван хүүхэд осголтын байдалтай байсныг шуурхай тээвэрлэн амь насыг нь аварчээ. Түүнчлэн Төв аймгийн Эрдэнэ сумын нутаг дахь Өвөр Жанчивлан сувиллын газрын ойролцоо 100 иргэн тээвэрлэсэн хоёр автобус цасанд суусныг Налайх дүүргийн Онцгой байдлын хэлтсийн бүрэлдэхүүн ажиллаж аюулгүй болгосон байна.Цаг агаарын нөхцөл хүнд үед онцын шаардлагагүй бол холын замд зорчихгүй, бага насны хүүхэд, өндөр настан, хөгжлийн бэрхшээлтэй иргэдийн аюулгүй байдлыг хангахыг онцгой байдлын байгууллагаас зөвлөлөө.

Эх сурвалж: www.polit.mn