Т.САЙХАН

УИХ-ын гишүүн Б.Энхбаяраар ахлуулсан Хөгжлийн банкны Хянан шалгах түр хорооны хурал Төрийн ордонд болж байна.  Хуралдаанаар, түр хорооны сонсголын тов тогтоох, түр хорооны сонсголд гэрчээр дуудах хүн, албан тушаалтны нэрс батлах, хянан шалгагч, шинжээчдийн ажлын хөлсийг тогтоох, хяналт шалгалтын ажилд саад учруулж буй зарим байгууллага, албан тушаалтныг дуудаж байцаах зэрэг асуудлыг хэлэлцэхээр товложээ. 

Хуралдааны эхэнд түр хорооны дарга Б.Энхбаяр "Өчигдөр  бид улс төрд нөлөө бүхий болон хууль хяналтын байгууллагуудын хамаарал бүхий хуулийн этгээдийн мэдээллийг улсын бүртгэлээс газраас авсан. Нийт 4000 гаруй хуулийн этгээдтэй холбогдох 8000 гаруй материал авсан. Энэ материалуудыг нь бүгдийг нь Хөгжлийн банкнаас зээл авсан, дамжуулан зээл авсан хуулийн этгээдүүдтэй нэг бүрчлэн хянан шалгах ажиллагаа хийгдэнэ. Тэгэхээр ажил нэлээн цар хүрээтэй үргэлжилнэ. Мөн хүч хүрэхгүй байгаа учир хоёр шинжээч нэмж оруулах асуудлыг ярина. Өмнө нь огт ороогүй дамжуулан зээлтэй холбоотой 2000 гаруй асуудал байна.  Үүнийг нэг бүрчлэн шалгах хэрэгтэй" гэлээ.

Эх сурвалж:www.polit.mn