Т.САЙХАН

Нүүрсний хулгайчдын нэрийг зарлахыг шаардсан иргэдийн жагсаал өнөөдөр /12.12/Сүхбаатарын талбайд ес дэх өдрөө үргэлжилж байна.  Тэгвэл дөнгөж сая Хууль зүй, дотоод хэргийн сайд Х.Нямбаатар жагсагчидтай уулзжээ.  

Тэрбээр иргэдэд хандан нүүрсний хулгайд холбогдсон албан тушаалтнуудын нэрсийг маргааш зарлах, мөн энэ долоо хоногийн дотор Эрүүгийн хуулийг 22.1 буюу Эрх мэдэл, албан тушаалын байдлаа урвуулан ашиглах тухай заалтыг чангатгахаа амлав.   ХЗДХ-ийн сайд Х.Нямбаатар "Эрүүгийн хуульд өөрчлөлт оруулах тухай том төслийг өргөн барьсан. Гэвч үүнийг батлахад хугацаа их шаардах тул энэ долоо хоногтоо багтан зөвхөн 22.1 дэх заалтыг хэлэлцэнэ гэж байгаа юм. Ингэснээр ял, хэрэг хялбаршуулахгүй, авлига, ашиг сонирхлын зөрчилд автсан бол нийтийн албанд томилогдох эрхийг 10-20 жил хасах зэргээр тусгасан. Мөрдөн шалгах ажиллагаа явуулахгүйгээр хэн нэг хүнийг гэм буруутай гэж болохгүй. Маргааш урьдчилсан байдлаар бүх холбогдсон хүмүүсийг хууль хяналтын байгууллагынхнаар нэрлүүлье" гэлээ.  Харин жагсагчид үр дүнгээ үзэж, дахиад долоо хоног жагсах боломжтой тул хэлсэн амандаа хүрэхээс нааш тарахгүй гэдгээ хэлж байлаа. 

Эх сурвалж:www.polit.mn