Т.САЙХАН

БШУ-ны сайдын  тушаалаар Элсэлтийн ерөнхий шалгалтыг жилд хоёр удаа зохион байгуулахаар тусгасан. Тус өөрчлөлтийн дагуу хоёр дахь элсэлтийн ерөнхий шалгалт энэ сарын 16-наас эхлэн дөрвөн өдөр зохион байгуулагдана.

Тэгвэл  ЭЕШ өгөх сургууль болоод анги танхимын суудлын хуваарь гарчээ. Боловсролын үнэлгээний төвөөс "Энэ удаагийн ЭЕШ нь шалгуулагч өмнөх шалгалтын дүн оноогоо ахиулах, дахин их, дээд сургуульд суралцах боломжийг олгож буйгаараа онцлогтой. Шалгалтад Нийслэл болоод хөдөө орон нутгаас 5605 шалгуулагч бүртгүүлсэн байна. ЭЕШ өгөх сургууль болоод анги танхимын суудлын хуваарь гарсан. Шалгалт өгөх сургууль болоод ангийн суудлын хуваарийг ЭЕШ-ын бүртгэлийн дугаар болон нууц үгийг ашиглан өнөөдрөөс /2022.12.10/-ны өдрөөс эхлэн www.eec.mn цахим хуудасны “шалгуулагчийн булан” хэсгээс хэвлэн шалгалтын өдрөө авч ирэх ёстой. Шалгалтын эхний өдөр Монгол хэл, бичиг, болоод түүх англи хэлний шалгалт явагдана.

Хоёр дахь өдөр хими, газар зүй, нийгэм судлалын хичээлийн шалгалт явагдана. Гурав дахь өдөр биологи, математикийн хичээлийн шалгалт явагдана. Дөрөв дэхь өдөр физик, орос хэл, Монгол хэлний шалгалтууд тус тусын цагийн хуваарийн дагуу явагдана. Шалгуулагчид шалгалтын байранд нэг цагийн өмнө ирсэн байх. Анги, танхимд 10 минутын өмнө суудлаа эзэлсэн байна. Дурдсан хугацаанаас хожимдсон шалгуулагчийг шалгалтад оруулахгүйг анхаараарай" гэлээ.

Эх сурвалж:www.polit.mn