Т.САЙХАН
Засгийн газрын ээлжит бус хуралдаанаар жижиг "Тавантолгой"-д зургаан сарын хугацаатай онц дэглэм тогтоож, онцгой бүрэн эрхт төлөөлөгчөөр ХЗДХЯ-ны Төрийн нарийн бичгийн дарга П.Сайнзоригийг томилсон юм.
Тэгвэл өчигдөр орой Шадар сайд С.Амарсайханы ахалсан ажлын хэсэг тус компани дээр очиж, ажил хүлээлцжээ. Энэ үеэр Шадар сайд С.Амарсайхан "Тавантолгой ХК нь 51 хувь нь орон нутгийн буюу төрийн өмчит, ямар нэгэн байдлаар олон асуудал хөндөгдөж байгаа. Зарим аман дээрх нүүрсний нөөцийг хүртэл хоорондоо өгөлцөж авалцсан асуудлыг шүүхийн байгууллагаар шийдвэрлэсэн. Онц дэглэм тогтоож байгаа асуудлыг аль болох зөв талаас нь ойлгох хэрэгтэй. Үүний цаана маш олон хүний эрх ашиг хөндөгдөж байгаа" гэв. "Тавантолгой" ХК-д томилогдсон бүрэн эрхт төлөөлөгч П.Сайнзориг "Эргэлзээтэй байдлыг тайлж, хуулийн хүрээнд ажиллана. Мөн уурхайн хэвийн үйл ажиллагааг тасралтгүй хангана. Миний авсан мэдээллээр өдөрт 150 машин гарч байх ёстой" гэлээ.
Эх сурвалж:www.polit.mn