Т.САЙХАН

Улсын дээд шүүхийн нийт шүүгчийн хуралдаан энэ сарын 14-ний өдөр товлогджээ. Тус хуралдаанаар Захиргааны хэрэг шүүхэд хянан шийдвэрлэх тухай хуулийн 84, 85, 86 дугаар зүйлүүдийн зарим заалтыг албан ёсоор тайлбарлах тухай Захиргааны хэргийн танхимын нийт шүүгчийн хуралдааны санал, Улс төрийн намын бүртгэл хөтлөх журамд нэмэлт, өөрчлөлт оруулах тухай тогтоолын төсөл, Танхимын бүрэлдэхүүн батлах тухай асуудлыг тус тус хэлэлцэнэ. 

Мөн Ардчилсан намын Үндэий бодлогын хорооны дарга Т.Мөнхбаяраас  ирүүлсэн “Ардчилсан намын улсын бүртгэлд өөрчлөлт оруулах тухай” өргөдөл, үүнтэй холбогдуулан ирүүлсэн Ардчилсан намын дарга  С.Эрдэнэ, Ардчилсан намын дарга  Х.Баттулга, Ерөнхий нарийн бичгийн дарга гэх Д.Эрдэнэсувд, Ардчилсан намын Ерөнхий нарийн бичгийн дарга гэх Ч.Өнөрбаяр, дэд дарга гэх Б.Гарамгайбаатар, Ц.Оюундарь, Р.Эрдэнэбүрэн, Ч.Отгочулуу, нийслэлийн намын дарга гэх Э.Бат-Үүл нарын гаргасан хүсэлт, тайлбаруудыг хэлэлцэхээр төлөвлөжээ.

Түүнчлэн Их Монгол Засахуй Ухаан нам үүсгэн байгуулсныг улсын бүртгэлд бүртгүүлэх, Сайн Ардчилсан Иргэдийн Нэгдсэн нам үүсгэн байгуулсныг улсын бүртгэлд бүртгүүлэх тухай хүсэлтүүдийг хэлэлцэх юм.

Эх сурвалж:www.polit.mn